- Tezkor gol urib olish juda muhim edi va buni uddaladik. "Olmaliq" jamoasi yaxshi va o'yin qiyin kechishini bilardik. Tezkor kiritilgan golimiz bizga g'alaba qozonishimizga yordam berdi. Hujumchi har doim gol urishi kerak. Ko'p jihatdan jamoaning g'alaba qozonishi hujumchining gol urishiga bog'liq. Yaxshi hujumchi bir yilda 20ta gol urishi shart emas. Yaxshi hujumchi bir mavsumda 15-16ta gol kiritsa etarli. Gol urib jamoam g'alabasiga hissa qo'shganimdan xursandman. To'purarlik keyingi rejalarimdan o'rin olgan. Avvalo jamoamning g'alabasi birinchi o'rinda turadi. Oldimizda "Lahviya"ga qarshi jiddiy baxs turibdi. Bu g'alabani esdan chiqarib, ertadan boshlab bo'lajak bellashuvga tayyorgarlik ko'ramiz. Imkoniyatlarimiz haqida bir narsa deyish qiyin. Bizning maqsad ikkala o'yinda g'alaba qozonish. Qolganini esa keyin ko'rib bilib olamiz. Ko'p narsa boshqa o'yinlarga ham bog'liq. Yaxshi niyat qilgan holda "Lahviya" bilan bo'ladigan o'yinlarda g'alaba qozonishga harakat qilamiz.

Bahodir Nasimov: "Jamoam g'alabasiga hissa qo'shganimdan mamnunman"