Xabaringiz bor, Shamsiddinov yaqinda darvozabonlar murabbiylari uchun o'tkazilgan o'quv-seminarida ishtirok etdi. Murabbiy biz bilan Toshkentdagi seminar taassurotlari bilan o'rtoqlashdi.

- O'quv-seminar jarayonlari ikki bosqichdan iborat bo'ldi. Nazariy darslar poytaxtimizdagi “Ramada” mehmonxonasida bo'lib o'tgan bo'lsa, ikkinchi bosqich amaliy bo'lib O'FFning suniy qoplamali maydoni olib borildi, - deb gap boshladi Baxodir Shamsiddinov. – O'quv kurslariga OFK instruktori Jalol Mahmud boshchilik qildi. Unga xamyurtimiz Shavkat Imomov assistent bo'ldi. Jalol Mahmud biz uchun begona shaxs emas. Yodingiz bo'lsa, Mahmud o'z vaqtida OCHL doirasidagi o'yinlarda “Neftchi”ga qarshi o'ynagan edi. Shuningdek, u Eron MTJning sobiq posboni ham hisoblanadi.

- Ayni paytda ixtiyoringizda 2 darvozabon O'tkir Yusupov va Abdumavlon Abdujalilov bor. Ulardan qaysi biri bu yil “Neftchi” darvozasini qo'riqlaydi?
- Birinchi galda, iqtidorli posbonlarimiz borligini aytib o'tishim kerak. Ammo ulardan qaysi biri bu yil asosiy bo'lishi haqidagi savolingizni ochiq qoldiraman. Hozir Abdumavlon Qatardagi turnirda ishtirok etmoqda. Avval u qaytsin, O'tkir bilan mashg'ulotlarda sinab ko'ramiz. Hammasi mavsum boshlanguncha hal bo'ladi. Kim kuchli bo'lsa, o'sha asosiy posbon bo'ladi, - deb fikrlarini yakunladi “Neftchi” darvozabonlar murabbiyi.

“Neftchi” PFK matbuot xizmati.

Bahodir Shamsiddinov: "Neftchi"da ikki nafar iqtidorli darvozabon bor"