Чап ва ўнг қанотдаги жарима зарбалари кучли эмас. Чап ва ўнг қанотдаги жарима зарбалари шунчаки тўп оширилиши билан якунига етади. Сайид Дия Шуббар чап қанотдан, Ҳусайн Баба Муҳаммад эса ўнг қанотдаги жарима зарбаларига жавобгарлар.

"Ўн олти" яқинидаги жарима зарбалари эса жуда хавфли. Футболчиларимиз бу борада эҳтиёткор бўлишлари керак. 16-рақамдаги Сайид Муҳаммад Аднан ўнг оёқда тўғри дарвозани ишғол қилишга ҳаракат қилади. Ҳеч қачон тўпни шунчаки жарима майдончаси ичига ташлаб бермайди. Яман терма жамоасига қарши ўйинда шундай жарима зарбаларини учтасини амалга оширган ва битта гол урган. Тўпни айлантириб ўтирмайди, кучига таянган ҳолда аниқ нишонга олишга ҳаракат қилди. Терма жамоамизнинг энг ожиз нуқтаси аслида мана шу жарима зарбалари пайти ҳисобланади. Бу сафар стандарт вазиятларга жиддий тайёргарлик кўрилган деб ўйлаймиз. Лекин шунда ҳам футболчиларимиз жарима майдончаси ёнида "тоза" ўйнашлари муҳим.

Баҳрайн жарима зарбаларини қандай тепади?