- Hademay oliy ligada navbatdagi tur o'yinlari boshlanadi. Jamoamiz bu gal Toshkentda o'ynaydi. Bo'lajak uchrashuv tayyorgarlik qanday bo'lmoqda?

- Shanba kuni Obod bilan o'ynaymiz. Raqib jamoani xurmat qilamiz doim. Shuning uchun kuni-kecha poytaxtda yig'ildik va tayyorgarlikka zo'r berganmiz.

- Birinchi davrada Buxoro ushbu raqibiga o'z uyida imkoniyatni boy bergandi. Balki revansh olish payti kelgandir?

- Birinchi davrada nafaqat ushbu jamoaga mag'lub bo'lganmiz, balki birgina Obod darvozasiga to'p ham kirita olmagan ekanmiz. Bilasizmi, Obod jamoasi ayni damda turnir jadvalidda eng so'nggi pog'onani band etib turgan bo'lsada, jamoa ketma-ket omadsiz o'yinlardan keyin bizga qarshi xuddi yaralangan sher kabi turibdi, deyish mumkin. Menimcha har qanday jamoa o'z maydonida faqat yutuq uchun chiqadi. Lekin biz ham ertangi o'yinda osonlikcha taslim bo'lmaymiz. Ortimizdan taqib etib kelayotgan jamoalar bilan ochkolar farqi deyarli teng. Ularni o'zimizdan o'tkazib yubormasligimiz kerak.

- Sizdan ham muxlislar ancha vaqtdan beri gol kutishmoqda...

- Ha, to'g'ri aytasiz. Oxirgi marta birinchi davraning so'nggi turida So'g'diyona darvozasiga to'p kiritgandim. Nasib qilsa Obod bilan o'yinda gol urishga xarakat qilaman. Lekin men uchun asosiysi jamoamning g'alabasidir.

Buxoro matbuot xizmati.

Bahriddin Vahobov: Obodga qarshi o'yindan oldin barchada kayfiyat yuqori va jangavor xolatdamiz