Unda tashkilotga azo mamlakatlar qatorida O'FA birinchi vice-prezidenti Ravshan Irmatov boshchiligidagi O'zbekiston vakillari ishtirok etdi.

Kun tartibidan FIFA Nizomiga, Nizomni qo'llashni tartibga soluvchi reglamentga va Kongressning doimiy qarorlariga o'zgartirishlar kiritish bo'yicha takliflarni ko'rib chiqish, 2027-yilgi ayollar o'rtasidagi jahon chempionati mezbonini aniqlash, futbolda irqchilikka qarshi global poziciyani mustahkamlash va FIFAga azo bo'lgan associaciyalar takliflarini muhokama qilish masalalari o'rin oldi.

Kongressda so'z olgan Janni Infantino FIFAning vazifasi futbolni global miqyosda rivojlantirish va butun dunyo jamoalariga raqobatbardosh muhit va imkoniyatlar yaratish ekanligini takidladi.

FIFA prezidenti 20 va 17 yoshgacha bo'lgan o'smirlar o'rtasida davom etayotgan turnirlar ko'lamini kengaytirishdan tashqari, barcha 211 FIFAga azo associaciyalar uchun 15 yoshgacha bo'lgan o'smirlar futbol festivalini tashkil etishni taklif qildi.

“Bizning vazifamiz butun dunyo bo'ylab ko'proq imkoniyatlar, o'ynash, orzu qilish, ishtirok etish va bazan hayotni o'zgartirish imkoniyatini taklif qilishdir. Shuningdek, nafaqat futbolchi, balki oddiy inson sifatida ham o'sish imkoniyati taqdim qilishdan iborat, dedi Infantino.

Kongressda shuningdek, ayollar o'rtasidagi Jahon chempionati mezboni ochiq ovoz berish orqali aniqlandi. Unga ko'ra, Braziliya 2027-yilda o'tkaziladigan ayollar o'rtasidagi o'ninchi Jahon chempionatiga mezbon mamlakat sifatida elon qilindi.

Bangkokda FIFAning navbatdagi Kongressi o'tkazildi