Футболчи "кўк-анорранглилар" билан машғулотларда иштирок этмай қўйган ва унинг агенти ҳам шу ҳафта аввалида Англияга етиб борган. "Шаҳарликлар" германиялик футболчи трансфери устида ишлашни бошлаб юборган. "Манчестер Сити" устози Пеп Гвардиола бу хабардан жуда ҳам мамнунлигини яширмаган.

Ўз навбатида "Marca" нашри "Барса" Гюндоганнинг кетиши натижасида маошлар учун сарфланадиган суммани (немис футболчиси йилига 15 миллион евро маош олади) қисқартиришни мақсад қилган. Бунинг натижасида клуб Дани Ольмони рўйхатдан ўтказа олиши ва яна битта трансфер амалга ошириши мумкин бўлади.

Эслатиб ўтамиз, ўтган йили ёзда Илкай Гюндоган "Ман Сити"дан "Барселона"га эркин агент сифатида келганди. Орадан бир йил ўтиб воқеа тўлиқлигича такрорланмоқда, фақат йўналиш ўзгарган.

"Ман Сити"га қайтиши кутилаётган Илкай Гюндоган халқаро фаолиятини якунлашини эълон қилди

"Барселона" Гюндоганни текинга қўйиб юбораётганининг сабаби маълум қилинди