Bu haqda Kataloniya klubi matbuot xizmati malum qildi.

"Klub yaqin oylarda "Spotifay Kamp Nou"ni ochish uchun zarur mamuriy ruxsatnomalarni olish uchun faol ishlashda davom etmoqda", – deyiladi klub bayonotida.

2023/24 va 2024/25 yilgi mavsumlarda "Kamp Nou"ni tamirlash vaqtida "Barselona" o'z uy uchrashuvlarini taxminan 52 000 tomoshabinga mo'ljallangan "Olimpik Lyuis Kompanis" stadionida o'tkazdi. Kataloniyaliklar joriy mavsumdagi bitta uy uchrashuvini 6000 tomoshabinga mo'ljallangan "Yoxan Kroyf Arena"da olib bordi.

"Barselona" – PSJ uchrashuvi 1 oktyabr kuni bo'lib o'tadi. Chempionlar Ligasining 1-turida kataloniyaliklar "Nyukasl"ni mehmonda 2:1 hisobida mag'lub etdi. PSJ turnir boshida "Atalanta"ni 4:0 hisobida yutdi.

"Barselona" PSJ bilan o'yinni qaysi stadionda o'tkazishi malum