Ушбу ўйин олдидан "Қироллик клуби" устози Сантьяго Солари матубот анжуманида иштирок этди.
- Copa del Rey ярим финал ўйинлари ғолиби Испания чемпионатида устунликка эришадими?
- Бу бошқа-бошқа турнирлар. Биз барча мусобақаларда ғалаба қозонмоқчимиз. Учрашувга қандай ёндошишимиз жуда муҳим. Ҳозир келажак ҳақида ўйлай олмаймиз. Ҳаммамиз учун энг муҳими - ушбу учрашув натижаси.
- Винисиус Жуниор асосий таркиб футболчисими?
- Бизда асосий таркиб футболчиси деган нарса йўқ, ҳаммага бир хил муносабатдамиз.
- Тақвим бўйича "Барселона"га ёрдам беришяптими?
- Йўқ деб умид қиламан, лекин бу бироз ғалати. Тақвимни биз тузмаймиз, бу иш билан ЛаЛига раҳбарияти шуғулланади. Биз шунчаки майдонга чиқиб, бор кучимизни ишга солишимиз керак.
- Мураббийлик иши ҳақида
- Биз курашишни яхши кўрамиз, айнан шу сабабли бу спорт тури билан шуғулланамиз. Сиз иштирок этадиган баҳсларда фарқ бўлмайди. Ҳар бир ўйинга бир хил ёндошиш керак.
- Лео Месси ҳақида
- Энг кучлиларга қарши ўйнаш ҳар доим фойда. Аммо у бизга қарши баҳсда майдонга тушиши ёки туша олмаслиги "Барселона" билан бўладиган ўйинга тайёргарлигимизга таъсир кўрсатмайди - дейди Солари.
