Bu haqda Kataloniya klubi matbuot xizmati malumot berdi.

Ikki Ispaniya superklublarining afsonalari o'yini so'nggi yillarda ananaga aylandi: ular 7 marta, jumladan, 2024 yilda 5 marta to'qnashdi. Faxriylarning navbatdagi turniri sentyabr oyida AQSHda bo'lib o'tadi. Jamoalar 9 va 13 sentyabr kunlari Nyu-Jersi shtatining Harrison va Florida shtatining Fort-Loderdeyl shaharlarida o'yin o'tkazadi.

Ikkinchi o'yin 21 550 tomoshabinga mo'ljallangan va "Inter Mayami"ning uy arenasi bo'lgan "Cheyz" stadionida o'tkaziladi. Bugungi kunda u erda Lionel Messi, Serxio Buskets, Luis Suares, Jordi Alba kabi "Barselona" sobiq futbolchilari to'p tepadi. Amerika jamoasini boshqa bir sobiq kataloniyalik futbolchi Xaver Maskerano boshqaradi.

Afsonalar uchrashuvlari uchun to'liq tarkib yaqin haftalarda elon qilinadi. "Barselona"da Rivaldo, Klaudio Bravo va Paulino o'ynashi allaqachon malum.

"Barselona" va "Real" afsonalari Messi o'ynaydigan stadionda uchrashadi