Бошқа топ-клублар билан рақобатга қарамасдан, каталонияликлар ҳали ҳам Дортмунднинг "Боруссия" жамоаси форварди билан шартнома имзоламоқчи.

"Барса" 75 млн евролик товон пулини тўлашга ва норвегияликнинг агенти бўлмиш Мино Райолага катта комиссияни тақдим қилишга тайёр.

"Барселона"да Холандни келишга ишонтирувчи бир нечта далиллар бор. "Кўк-анорранглилар" 21 ёшли ўйинчини янги ёш иқтидорлардан иборат янги клуб лойиҳасида етакчи бўлишига ишонтирмоқчи.

"Барселона" шунингдек Холанднинг ўтиши унга маркетинг нуқтаи назаридан ҳам фойдали бўлишига эътибор қаратмоқда, сабаби "Барса" ижтимоий тармоқлардаги кузатувчилар сони бўйича дунёда етакчилик қилмоқда.

Молиявий қийинчиликларга қарамай, "Барселона" Холандга 5 йиллик шартнома ва йилига 20 млн евро маош тўлашга тайёр, бу эса уни жамоадаги энг катта маош олувчи ўйинчига айлантиради.

"Барселона" Холандни ўтишга кўндириш учун уни жамоанинг энг катта маош олувчи ўйинчиси ва лойиҳа етакчиси қилишга тайёр