"Tuttomercatoweb" хабарига кўра, 20 ёшли футболчи бошқа клубга ўтишга тайёр. "Бавария" уни қўлга киритиш учун "Ювентус" билан рақобатлашади.

Қайд этилишича, Италия клуби даниялик футболчини узоқ вақтдан бери кузатиб келмоқда ва уни бошқа футболчи эвазига сотиб юборилиши мумкин бўлган Душан Влаховичга ўринбосар сифатида кўрмоқда. Аммо "Бавария" янги ҳужумчига кўпроқ муҳтож. Тахминларга кўра, янги бош мураббий Томас Тухель Хойлунд харид қилинишини хоҳлайди.

Ҳужумчи 2022 йилнинг ёзидан буён "Аталанта"да ўйнамоқда. Унинг амалдаги шартномаси 2027 йилнинг июнигача амал қилади.

Хойлунд жорий мавсум барча турнирлар доирасида 25 та ўйинда майдонга тушиб, 8 та гол урди ва 2 та голли пас узатди. Transfermarkt портали маълумотларига кўра, футболчининг нархи 35 миллион еврони ташкил қилади.

"Бавария" "Аталанта" ҳужумчисига қизиқиш билдирмоқда