Bu haqda Bild gazetasining futbol bo'limi boshlig'i Kristian Falk o'zining "Transfer-Insider" nomli yangi kitobida malum qilgan.

2022 yil fevral oyida "Bavariya" rahbarlari - sport direktori Hasan Salihamidjich va texnik direktor Marko Neppe Yamalning o'sha paytdagi agenti Ivan de la Penya bilan uchrashish uchun Madridga tashrif buyurishgan. Tomonlar de la Penya vakolatidagi Gavining Myunxen klubiga o'tishi imkoniyatini muhokama qilmoqchi bo'lishgan.

Kutilmaganda, suhbat davomida "Bavariya" vakillari etiborni "Barsa"ning asosiy jamoasi bilan mashq qilayotgan 14 yoshli Lamin Yamalga qaratishgan. Falkning aytishicha, myunxenliklar Laminning o'yin lavhalaridan shunchalik tasirlanishibganki, klub rahbariyati futbolchining oilasi bilan tanishish va kelajakdagi transfer uchun zamin yaratishni istagan.

Bir necha oydan so'ng de la Penya Salihamidjichga Yamalning manfaatlarini endi Jorje Mendesh himoya qilishini malum qilgan. Portugaliyalik agent "Bavariya" direktoriga futbolchining transferi taxminan 5 million evroga amalga oshishi mumkinligini aytgan. "Bavariya"da professional futbolda hali bir daqiqa ham o'ynamagan futbolchiga bunday katta mablag' sarflashni xavfli deb baholashgan va masalani 2023 yil yoziga qoldirishgan.

Biroq, 2023 yil aprel oyida Yamal 15 yoshida "Barsa" safida debyut qildi va oktyabr oyida "Barsa" bilan uch yillik shartnoma imzoladi.

"Bavariya" bir necha yil avval 14 yoshli Yamalni sotib olmoqchi bo'lgan, ammo transfer summasini to'lashga jurat etmagan