Robert Levandovski "Barselona"ga o'tgandan so'ng o'zining formasi bilan hayratda qoldirmoqda. "Mundo Deportivo" nashrining xabar berishicha, polshalikning ajoyib o'yini Kataloniya klubining xarajatlariga tasir qildi.

O'tgan yozda Levandovski yuqori darajadagi o'tish qahramoniga aylandi. Uzoq davom etgan muzokaralardan so'ng "Barselona" "Bavariya" futbolchisi uchun 45 million evro + 5 million evro to'lashga rozi bo'ldi.

Ikkala klub ham bonus tafsilotlarini rasman elon qilmagan. Biroq Kataloniya matbuoti ular Levandovskining yutuqlariga bog'liqligini yozmoqda.

Polshalik hujumchi kamida 25 ta gol urgan har bir mavsum uchun "Barselona" "Bavariya"ga 1,25 million evro to'laydi. Bu shart 2026 yilgacha amal qiladi.

"Mundo Deportivo"ning qayd etishicha, "Bavariya" tez orada birinchi bonus to'lovini olishi kerak. Levandovski joriy mavsum "Barselona" safida 23 ta gol urishga ulgurdi. Yana ikkita goldan so'ng kataloniyaliklar "Bavariya"ga 1,25 million evro o'tkazishlari kerak bo'ladi.

Levandovski 23 ta goldan 14 tasini Ispaniya chempionatida urgan. 34 yoshli futbolchi to'p kiritish bo'yicha La Ligada peshqadam bo'lib, Xoseludan 3 ta gol oldinga o'tib ketgan.

"Bavariya" Levandovski uchun qo'shimcha pul oladi