"Bavariya" klubi xorvatiyalik mutaxassis Niko Kovach bilan 3 yillik shartnoma imzoladi.

Niko Kovach ayni paytda Frankfurtning "Ayntraxt" jamoasini boshqarib bormoqda. Uning klub bilan tuzgan shartnomasi 2019 yilga qadar mo'ljallangandi. "Bavariya" esa "Ayntraxt"ga Niko Kovach uchun 2,2 million evro badal pulini to'laydi.

Niko Kovach joriy yilning 1 iyulidan boshlab "Bavariya" bosh murabbiyi sifatida ishga kirishadi.

Asli xorvatiyalik mutaxassis faoliyatini katta qismini aynan Germaniyada o'tkazgan. Ayni paytda "Ayntraxt" jamoasi bosh murabbiyi sanalgan Kovach yozda "Bavariya" ruliga o'tirishi deyarli hal etildi.

Niko Kovach qo'l ostida joriy mavsumda "Ayntraxt" ajoyib natijalar qayd etmoqda va jamoa Bundesligada kuchli-uchlikka kirish uchun kurash olib bormoqda.

Niko Kovach futbolchilik faoliyatini Germaniyada o'tkazgan. Shuningdek, Niko Kovach 2001-2003 yillari Ottmar Xictfeld qo'l ostida aynan myunxenliklar tarkibida o'ynagan.

Ushbu mutaxassis malum muddat (2013-2015) Xorvatiya terma jamoasi bosh murabbiyi sifatida ham ishlagan.

46 yoshli mutaxassis futbolchilik faoliyatida yarim himoya chizig'ida o'ynagan.

Breaking news: "Bavariya"ning yangi bosh murabbiyi nomi aniq!

"Bavariya" yangi bosh murabbiyi nomini rasman elon qildi