Get German Football News nashrining Bild’ga tayanib xabar berishicha, "Bayer" hamon Florian Vircni yana bir mavsum klubda qolishiga ishonch bildirmoqda va u bilan shartnomani 2028 yilgacha uzaytirish umidini yo'qotmagan.
Biroq, agar Virc shartnomani uzaytirmaslikka qaror qilsa, u shu yozning o'zidayoq klubni tark etishi ehtimoli yuqori. Bunday holda "Bayer" xaridor jamoadan kamida 150 million evro talab qiladi.
Takidlanishicha, "Siti" bosh murabbiyi Pep Gvardiola futbolchi bilan uchrashib, uning jamoa tizimiga qanday moslashishi va Kevin de Bryuynening o'rnini qanday egallashi haqida tushuntirgan. "Shaharliklar" "Bayer"ga 150 million evro to'lashga va Florianga yiliga 25 million evro maosh taklif qilishga tayyor.
21 yoshli futbolchiga "Siti"dan tashqari, "Real" va "Bavariya" klublari qiziqish bildirmoqda. Vircning kelajagi haqidagi qarori ko'p jihatdan uning maqsadlariga bog'liq - u Chempionlar Ligasini va "Oltin to'p"ni qo'lga kiritishni istaydi. Bu borada u "Real"ga o'tish variantini maqul ko'rmoqda, "Bavariya" varianti esa uni kamroq qiziqtirmoqda. Shu bilan birga, madridliklar xavbekni sotib olish masalasini faqat may oyida hal qilishmoqchi. Futbolchining otasi Vircning "Bavariya"ga o'tishini afzal ko'rmoqda. U allaqachon Myunxen klubi vakili Uli Xeness bilan bir necha bor uchrashgan.
Virc joriy mavsum Bundesligada 26 ta o'yinda maydonga tushib, 9 ta gol urdi va 10 ta golli uzatma berdi.
Izohlar