"Бундай мағлубиятдан сўнг нима дейишни ҳам билмаяпман. Одатда кетма-кет мағлубиятлардан сўнг мураббий ишдан кетади, аммо менимча клубдан кетсам жамоага бу фойда бермайди. Агар кетишим жамоага ёрдам берса албатта ҳеч нимага қарамай истеъфо берардим. Ўйиндан сўнг футболчилар билан келишиб олдик, охиригача олий лигада қолиш учун курашамиз", - дейди Ашурматов.

"Бугун ҳам ўйинимиз қовушмади, таркиб танлашда хатога йўл қўйдим. Мағлубият учун барча айбни ўз бўйнимга оламан. Менимча ҳали барча нарса ҳал бўлгани йўқ. Агар йигитлар бир-тану бир жон бўлишса албатта олий лигада қола оламиз".

"Нефтчи"ни ғалаба билан табриклайман. Бугун улар майдонда кучлироқ ўйнашди, уларда ҳужумчи муаммо йўқлиги билинди. Биринчи даврада бизда ўйнаган Носир Отақўзиев "Нефтчи"га тайёрлаб берганимизга "миннатдорчилиги" сифатида бизга иккита гол билан жавоб қайтарди. Ҳужумчиларнинг вазифаси гол уриш. Ўйиннинг охирида биз ҳисобни тенглаштириш учун ҳужумга ўтишга мажбур бўлдик, шундан фарғоналиклар фойдаланиб иккита гол уришди".

Энвер Гафаров ёзиб олди.

Бахтиёр Ашурматов: "Агар "Гулистон"дан кетишим жамоага фойда берса кетардим"