Baxtiyor Ashurmatov: "Hozir kimnidir ayblab, kimdir-kimdandir xafa bo'lib yursa, oxiri yaxshilikka olib kelmaydi"

Iskandarov Abdulaziz
1 nov 2022
Pro-liganing 24-turidan "Buxoro" - "Turon" (1:0) uchrashuvidan so'ng mehmonlar bosh murabbiyi Baxtiyor Ashurmatov matbuot anjumanida ishtirok etdi.

O'yin haqida

- Haqiqatdan ham bugungi o'yin har ikki jamoa uchun muhim edi. Uchrashuv oldidan ham aytib o'tgandim, bugun g'alaba qozongan jamoa Superliga uchun muhim qadamni tashlagan bo'lardi. 

Mag'lubiyatga sabab sifatida o'z imkoniyatlarimizdan foydalana olmaganimizni ko'rsatishim mumkin. "Buxoro" o'z vaziyatidan foydalandi va kerakli 3 ochkoni qo'lga kiritdi.  Ro'zimboy Ahmedov joriy mavsum juda yaxshi o'yin namoyish etmoqda. Uning to'g'ri joy tanlashi, golni his qila olishi bugungi o'yin taqdirini hal qildi.

- "Turon"ning mag'lubiyatiga sabab nima bo'ldi deb o'ylaysiz?

- Aytib o'tdim, o'z imkoniyatlarimizdan foydalana olmadik. Bir vaziyatda qaytarish juda qiyin bo'lgan zarbani "Buxoro" posboni Nikola Stoshich olib chiqdi. Yana bir vaziyatda darvozaga kirib ketayotgan to'p o'z futbolchimizga tegib qoldi. Endi "Buxoro" ikkinchi o'rinni boy berishi qiyin. Lekin biz oxirigacha kurashamiz. Yigitlarda hozir tushkun kayfiyat. Biroq kimnidir ayblab, kimdir-kimdandir xafa bo'lib yursa, oxiri yaxshilik bilan tugamaydi.

- O'yin davomida hakamlarga etiroz bildirgan vaziyatlaringiz bo'ldi. Umuman, bugungi uchrashuvdagi hakamlik haqidagi fikringiz qanday?

- O'yin davomida emociya bilan vaziyatlarga etiroz qilish tabiiy xol. Men o'yindan keyin hakamlar yoniga borib minnatdorchilik bildirdim. Fikrimcha, bizda yoki muxlislarda hakamlikka nisbatan jiddiy etiroz bo'lmadi. So'ngi uchrashuvlardagi eng yaxshi hakamlik sifatida baholash mumkin.

- "Turon"ning imkoniyatlarini qanday baholaysiz?

- Men jamoani qabul qilib olganimda oldinda 6 ta o'yin bor edi. Qiyinchilikni bo'ynimga olib klub taklifiga rozi bo'lganman. Hozir selekciyada men qatnashmaganman deb bahona topish noo'rin. Murabbiylar shtabi tarkib tanlashda adashgan bo'lsa, zaxiradan qo'shilgan futbolchilar o'yinni kuchaytirishi kerak. 30 daqiqami, 10 daqiqami, maydonga tushgan futbolchi o'zining kuchli ekanini isbotlashi uchun harakat qilishi lozim. Bugungi o'yinda vaziyatlar kam bo'lgan bo'lsa ham, jangovorlik yuqori edi. Shu sababdan ham uchrashuv muxlislarga yoqqan bo'lsa kerak.

O'yindan oldin asosiy tarkib futbolchimiz Jasur O'rinov jarohat oldi. Bizda tanlov imkoniyati ko'p emas. Oldingi murabbiylar ham yomon ishlashmagan. Biroq so'ngi o'yinlarda yo'qotilgan ochkolar sabab jamoa tushkun kayfiyatda edi. Biz jamoaga kelgandan so'ng ruhiyatni, kurashuvchanlikni shakllantira oldik. O'tish o'yinida maydonga chiqish ehtimoli ham bor. Aytib o'tganimdek, biz oxirigacha kurashamiz.


Iskandarov AbdulazizMaqola muallifi
Muqova: championat.asia

Izohlar

Нодирбек Ахмедов
1 nov 2022
Ашурматов айбдор эмас,хакамлар бу сафар пенальти бермади)))) Тан олинглар Бухоро хозир кучли Турондан Бахтиёр Аъзамович. Рахмат лекин уйин учун.
Уктам
1 nov 2022
Ашурматов халол тренер, ажойиб футболчи булган, узбек тилида яхши гапиради, лекин нимадир етишмайди ..
Azamat Muratovich
1 nov 2022
Шу братандан каттарок интервью олинглар журналистлар. 1 савол. Мураббийликни качон бошлагансиз? 2. Узбекистонда нечта жамоада ишлаганингизни биласизми 3. Кейинги режаларингиз кандай, чункт бу кетишда 3-4 йилдан кейин Узбекистонда сиз ишламаган жамоа колмайди
017
1 nov 2022
Turon muxlislari Ashurmatovni ayblamangla chindan ham Baxti kelgancha ancha ochko yoqotilgandi Rahbariyat xato qildi mavsum oxirlab qolganda Berdiyevni zamena qilmaslik kerak edi
????????????????
1 nov 2022
PEPQUL BERDIOLA (RUZIQUL BERDIYEV) OLDIGA SHOGIRD TUSH, OGZINGGA TUPURIB QUYSIN BAXTIYORJON ))