"Bugungi bayram bilan barchangizni tabriklayman. "Neftchi" bilan o'yindan keyin Sergey Lushan istefoga chiqdi. Shundan so'ng ayrim yoshlarimizda ruhiy tushkunlik bo'ldi. Bu ikkinchi bo'limda bilindi. O'yinni yaxshi boshlagan edik. Yoki gol urganimizdan keyin shunday bo'ldimi. Rejamizga ko'ra 1:0 dan keyin qarshi hujumda o'ynashimiz kerak edi. Shu vazifani bajara olmadik", - deydi Baxtiyor Boboev.

- Gol urgandan keyin jizzaxliklarga imkon berildi, himoyaga yotib olish uchun erta emasmidi?
- Atayin berib qo'ydik demayman. O'yinga jiddiy hozirlik ko'rgan edik. Birinchi davrada "So'g'diyona"ga imkoniyatni boy bergandik. Shuning uchun o'zga xos reja bilan tushgandik. Ammo oddiy epizodlarda ko'p bor to'p yo'qotdik.

- Bugun Zuhurov va Jo'raev o'rniga Shodiev hamda To'raev maydonga tushdi. Bu sizning qaroringizmi yoki Lushanga yordam berib kelgan Amet Memetning?
- Darvozabon masalasida Abdusattor Rahimovning tavsiyasiga amal kildik. Boisi Murod ketma-ket ko'plab o'yinlar o'tkazdi va unda charchoq alomati bor edi. Dilshod esa birinchi davrada asosan 1-ligada o'ynagani bo'ldi. Keyin u "Neftchi" bilan o'yinda xatolarga yo'l ko'ygandi.

- Penalti masalasiga nima deysiz?
- Buni takroriy lavhani ko'rib aytishim mumkin. Pasdan bu holatni yaxshi ko'ra olmaysiz.

- So'nggi marotaba bosh murabbiy sifatida jamoani maydonga olib tushganingizga ham ancha bo'ldi. Hayajon buldimi?
- so'nggi marotaba 2001 yil jamoani maydonga olib tushgan ekanman. Yillar davomida mashina haydamasangiz bilinishi mumkin. Lekin shu yillar davomida mashg'ulotdan tashqari bo'lmadim. Qolaversa mening oldimda Yuriy Vazgenovich, Amet Memet va Augustin Chirica kabi yordamchilar bor.

- Mirjalol Qosimovning nomzodi ko'rilyaptimi? Bugun muxlislar ham stadionda buni talab qildilar.
- Bizning o'z yo'limiz bor va undan chetga chiqmaymiz. Jamoamiz murabbiyi kim bo'lishidan qatiy nazar rejadan chetga chiqmaymiz. Hozir rahbariyat biroz kutish kerakligini shunga qarab murabbiylar bilan muzokara olib borishdarini aytishdi. Qosimov esa bu ro'yxatda birinchi bo'lib turibdi. Oldimizda ikkita o'yin va kubok finali bor. Bu narsa balki shu o'yin natijasiga qarab hal kilarmiz, balki o'zim davom ettiraman.

Baxtiyor Boboev: "Balki Qosimov kelar, balki o'zim qolarman"