“Мавсумдаги сўнгги ўйин эди. Шу боис, йигитларга мавсумни чиройли ўйин билан якунлашни юклагандик. Айниқса кўпроқ гол уришга ҳаракат қилиб, мухлисларни худсанд қилиш кераклигини уқтиргандик. Буни бажардик деб ўйлайман.

Кейинги мавсумга тайёргарликни 14 декабрь куни бошлаймиз. Биздаги шижоат жуда кучли. Ёшларимизнинг келажаги порлоқ. Келаси мавсумда "Бунёдкор" чемпионлик учун бемалол курашади.

Режамизга кўра, декабр Тошкентда, январ ойида БААда шуғулланамиз. Кейин ОЧЛ плей-офф ўйини бошланиб қолади. Мавсум олдидан асосан ёшларни жамоага мослаштириш эди ва табиийки чемпионлик ва кубокни ютишни мақсад қилган эдик.

Аммо ҳар доим ҳам ўйлаган режалар амалга ошавермайди. Ҳа, тўғри хатоларимиз ҳам бор. Тўғри хулоса чиқарамиз. "Бунёдкор" терма жамоа учун доими ёрдам беришга тайёр. Январь ойида олимпиада саралаши бошланади. Биз буни инобатга олганмиз. Жисмоний тайёргарлик бўйича мураббий Августин Чирицанинг ҳам жамоага катта фойдаси тегди. У нафақат мураббий, балки кучли руҳшунос!", - дейди Бобоев.

"Бунёдкор" матбуот хизмати

Бахтиёр Бобоев: "Келаси мавсумда "Бунёдкор" чемпионлик учун бемалол курашади"