"Ўзбекистон 1994 йил ОФКга аъзо бўлгач, қитъа миқёсида ўтказилган барча мусобақаларда иштирок эта бошлади. Ўтган давр мобайнида ўзбек клублари ОФКнинг клублар ўртасида ўтказилган 4та йирик турнирида қатнашган. Мамлакатимиз шарафини мазкур турнирларда ҳимоя этган жамоалар сони 11тани ташкил этади.

Қаршининг “Насаф” жамоаси мазкур турнирлардан учтасида иштирок этишга эришган. 2011 йил ОФК кубоги ғолиблигини қўлга киритиб, тарих зарварақларида янги саҳифа очгани барчамизни қувонтирган эди.

Кўриб турганингиздек, “Насаф”нинг халқаро мусобақалардаги учрашувлари 61тага етган. 31 ғалаба, 11 дуранг, 19 мағлубият, тўплар нисбати 111-70.

Қаршиликларнинг халқаро майдондаги юбилей 100 голи муаллифи Шерзод Насруллаев бўлди. У жорий йилнинг 17 май куни “Хўжанд” жамоасини йирик ҳисобда мағлуб этилган учрашувда юбилей голни киритган, - деб ёзади Бахтиёр Ширинов телеграмдаги ўз каналида.

Бахтиёр Ширинов канали: "Насруллаев юбилей голни урганди"