"O'yin "Bunyodkor" uchun yaxshi, biz uchun yomon o'tdi. To'g'ri, biz uchun muvaffaqiyatsiz o'yin bo'lgandir, biroq hali mavsum endi boshlanganini inobatga olsak, mushkul vaziyatdan chiqib ketishimizga ishonchim komil.

Futbolda bazan omad kerak bo'ladi. Bizga esa omad etishmayapti. O'z xatolarimiz evaziga kutilmagan holatlarda gol o'tkazib yuboryapmiz. Qolaversa, o'z vaziyatlarimizni golga aylantirishda sustkashlikka yo'l qo'yayapmiz. To'pni nazorat qilish borasida samarali harakat qilyapmiz, ammo oldingi chiziqda zarbalar yo'llashda aniqlik etishmayapti. Hali endi uch tur ortda qoldi, shu bois xulosa chiqarishga erta, deb o'ylayman. Yana bir marta takrorlayman, men jamoamga ishonaman. Biz bunday sinovlarni engib o'tamiz.

Albatta, mag'lubiyatlar ruhiy holatimizga salbiy tasir o'tkazmasdan qolmaydi. Ammo futbol shunisi bilan qiziq. Ruhiy tushkunlikni faqatgina birdamlik bilan engish mumkin xolos.

Shu bilan birga, o'z maydonimizga qaytishimiz, mahalliy muxlislar qarshisida to'p tepish ham qo'shimcha yordam beradi. Keyingi uchrashuvni o'z maydonimizda "Qo'qon-1912" jamoasiga qarshi o'tkazamiz. Biz muxlislarimiz qo'llab-quvvatloviga muhtojmiz, dedi Shamsiev.

Behzod Shamsiev: "O'yin "Bunyodkor" uchun yaxshi, biz uchun yomon o'tdi"