- Bugungi uchrashuv haqidagi fikrlaringiz...

- Chiroyli va qiziqarli bahs bo'ldi. Bugun omad bizga kulib boqdi. Muxlislarni uzoq vaqtdan beri xursand qilmayotgan edik. Raqib ham bugun ancha yaxshi o'yin namoyish etdi, ammo biz maydonda kuchliroq edik. Bugungi g'alabani muxlislarga bag'ishlaymiz. Olg'a, "Andijon"! Olg'a, "Ultras Burgut"!

- "Andijon" mavsumni ajoyib tarzda boshlagandi, lekin keyinchalik ketma-ket 7 ta uchrashuvda g'alaba qozona olmadi. Ushbu omadsiz seriyaga nima sabab bo'ldi?

- Ha. Mavsumni juda yaxshi boshladik, ammo keyinchalik muammolarga duch keldik. Hakamlar bilan bog'liq muammolar ham bo'ldi. Ushbu vaziyatdan chiqib ketish uchun harakat qildik.

- "Gol+pas" tizimi bo'yicha Superliganing eng yaxshi futbolchilaridan biri bo'lib turibsiz. Ushbu natija sizga qo'shimcha javobgarlik yuklamoqdami?

- Bunday statistika qayd etayotganimga Yaratgan sababchi. Men faqatgina mehnat qilmoqdaman. Eng muhimi, har bir uchrashuvda jamoaga ko'proq foyda keltirishni istayman. Gol va assistlarni yanada ko'paytirishga harakat qilaman. Hozir yaxshi sport formadaman. Olimpiya terma jamoasiga chaqirishsa va menga imkon berishsa, o'zimni ko'rsata olishimga ishonaman.

Bektemir Abdumannonov: "Muxlislarni uzoq vaqtdan beri xursand qilmayotgan edik. Olimpiya terma jamoasiga chaqirishsa, ishonchni oqlayman"