- O'yin haqida

- Bugungi uchrashuv qiyin o'tishini bilardik. "Sho'rtan"da ham, bizda ham avvalgi turlarda qayd etilgan natijalar bir xil edi. Mezbonlar g'alaba uchun maydonga chiqishini bilgan xolda uchrashuvga jiddiy tayyorgarlik ko'rgandik. "Sho'rtan"ning tezkor goli rejalarimizga tasir ko'rsatdi. Yigitlar birinchi bo'limda ruhan tushkunlikka tushib, oddiy vaziyatlarda xatoliklarga yo'l qo'yishdi.

- Ikkinchi bo'limda zaxiradan qo'shilgan futbolchilar o'yinni kuchaytira olishdi, deb aytsak bo'ladimi?

- 3 ta to'p farqi bilan hisobda ortda qolayotganimizda o'yinni o'zgartirish uchun keskin choralar qo'llashimiz lozim edi. Hujumni kuchaytirish maqsadida zaxiradan futbolchilarni tushirdik. Butun jamoa yomon o'yin ko'rsatdi. Mag'lubiyatga aybdor murabbiy bo'ladi, shu sababdan javobgarlikni o'z zimmamga olaman.

- Asiljon Begimqulovning o'yiniga qanday baho berasiz?

- Begimqulov har doim bor kuchini berib o'ynaydi, unga nisbatan etirozim yo'q. Himoyachilar o'z xududlarini yopishda xatoliklarga yo'l qo'yishdi.

- Jamoada hujumlarini yakunlashda muammolar bordek ko'rinmoqda...

- O'tgan turlarda ham yomon o'yin ko'rsatmagandik. Haqiqatan ham hujumlarni yakunlashda muammolar ko'zga tashlanmoqda. Xatolar ustida ishlaymiz, batafsil ko'rib chiqamiz.

- "Mashal" jamoasi bosh murabbiyi "Yangier" maydoni haqida gapirib, kombinacion o'yin tashkil etib bo'lmaydi, deya fikr bildirdi. Bu haqda sizning fikringiz qanday?

- Bu yil yog'ingarchiliklar ko'p bo'ldi va maydon sifatiga tasir ko'rsatmasdan qolmadi. Maydonimiz yomon emas, navbatdagi turlarga yaxshi holatga keltiriladi. Mutaxassislar muntazam maydon ustida ish olib borishmoqda.

Bekzod Qodirqulov: "Tezkor gol rejalarimizga tasir ko'rsatdi"