Peshqadam “Shaxtyor Soligorsk” bilan oradagi farq esa 2 ochkoni tashkil etmoqda.

O'tgan o'yinda dublga erishgan Bobir Abdixoliqov chempionat bu mavsumidagi gollari sonini 25 taga etkazib oldi.

U bir mavsum davomida musobaqada eng ko'p gol urgan legioner Sergey Davidov bilan tenglashdi. Rossiyalik futbolchi 2001 yil “Neman” safida xuddi shuncha gol urgandi. Umuman olganda esa mavsum davomida gol urish bo'yicha Abdixoliqov va Davidovdan oldinda faqatgina ikki futbolchi bor:

1. Andrey Xlebosolov - 34 (1996, "Belshina", Belarus);

2. Roman Vasilyuk - 31 (2000, "Slaviya", Belarus).

Minskliklar chempionat finishiga qadar yana ikkita uchrashuv o'tkazadi. Ularni 29-tur doirasida 6 noyabrda “Gomel” bilan safardagi o'yin va 30-tur doirasida yana “Dinamo” (Minsk) bilan derbi (12 noyabr) kutmoqda. Jamoa kuchli uchlikdan tushib ketmasa, keyingi mavsum evrokuboklarda qatnashadi. Qayd etish joizki, "Energetik-BGU" o'z tarixida hali biror marta chempionatni top-3'da yakunlamagan.

Musobaqa tarixida sovrindorlar qatoridan 14 ta jamoa joy olgan: BATE, “Dinamo” (Minsk), “Shaxtyor” (Soligorsk), “Slaviya” (Mozir), “Belshina”, “Gomel”, “Dnepr” (Mogilyov), “Dinamo” (Brest), “Vitebsk”, “Dinamo-93” (Minsk), “Neman”, “Partizan”, “Torpedo-BelAZ” hamda “Minsk”.

Malumot o'rnida, Bobir Abdixoliqov Evropada 2022/23 yilgi mavsumida “Oltin butsa” uchun davogarlar ro'yxatida 4-o'rinda bormoqda.

⚡️ Belarus. Abdixoliqov Davidovning rekordini takrorladi. "Energetik-BGU" esa klub tarixidagi eng yaxshi natijaga yaqin