Shu vaqtgacha quyidagi 7 nafar murabbiy O'zbekiston Superkubogida zafar quchgan. Bu borada debyutni Viktor Jalilov boshlab bergan bo'lib, u "Navbahor" bilan sovringa ega chiqqan. Mazkur ro'yxatda ikki nafar evropalik mutaxassislar Piter Xyuistra (Niderlandiya), Slavche Voyneski (Shimoliy Makedoniya) ham bor. Ular "Paxtakor" ustozi sifatida 1 marotabadan Superkubokka ega chiqqan.

Rekord "Nasaf" bosh murabbiyi Ro'ziqul Berdievga tegishli bo'lib, mutaxassis 2016, 2023, 2024 yillarda bunday natijaga erishgan.

Maksim Shackix uchun bu uchinchi urinish hisoblanadi. Avvalgi 2 yilda u "sherlar" bilan "Nasaf"ni taslim qilishga urinib ko'rgan, lekin uddalay olmagan.

1999. Viktor Jalilov ("Navbahor")
2014. Mirjalol Qosimov ("Bunyodkor")
2015. Vadim Abramov ("Lokomotiv")
2016, 2023, 2024. Ro'ziqul Berdiev ("Nasaf")
2019. Andrey Fyodorov ("Lokomotiv")
2021. Piter Xyuistra ("Paxtakor")
2022. Slavche Voyneski ("Paxtakor")

Eslatib o'tamiz, "Nasaf" hamda "Andijon" o'rtasidagi Superkubok bahsi ertaga 19:30 da start oladi. Uchrashuvga Toshkentdagi "Bunyodkor" stadioni mezbonlik qiladi.

Berdiev – rekordchi, Shackixda uchinchi urinish. Superkubok yutgan murabbiylar