Istanbulning "Beshiktosh" klubi o'zining rasmiy sayti orqali jamoaga yangi bosh murabbiy etib Sergen Yalchin tayinlanganini elon qildi.

52 yoshli mutaxassis klub bilan shu va keyingi mavsum uchun mo'ljallangan shartnoma imzoladi.

Avvalroq "Beshiktosh" Konferenciyalar Ligasi saralashida "Lozanna"ga mag'lub bo'lgan (1:1, 0:1) Ole-Gunnar Sulsherni istefoga chiqargandi.

Yalchin 2020/2021 yilgi mavsumda "Beshiktosh"ni boshqargan. O'shanda jamoa bilan chempionlik va Turkiya Kubogini qo'lga kiritgan.

Sergenning avvalgi ish joyi "Antalyaspor" edi.

"Beshiktosh"ga yangi murabbiy tayinlandi