Алишер Никимбаевнинг маълум қилишича, ОФК Интизом қўмитаси Япониянинг "Санфречче Хиросима" клубига иккинчи Чемпионлар лигасининг чорак финал биринчи баҳсида Сингапурнинг "Лайон Сити Сейлорс" жамоасига қарши ўйинда техник мағлубият ёзди.

Ўйин вақтида "Санфречче" 6:1 ҳисобида ғалаба қозонган эди, аммо иккинчи таймда улар француз футболчиси Валери Жерменни майдонга туширишди ва у ҳатто бешинчи голнинг муаллифига айланди. Бироқ маълум бўлишича, ўтган йили Жермен Австралиянинг "Макартур" клубида сафида "Сентрал Кост Маринерс"га қарши ОФК Кубоги ўйинидан кейинги жанжалда иштирок этгани учун учта ўйинга дисквалификация қилинган эди.

Жермен "Санфречче"га февраль охирида ўтган ва эҳтимол, япон клубидагилар унинг Осиё клуб турнирларидаги ўйинлари тарихини текширишга улгурмаган. Натижада 6:1 ҳисобидаги ғалаба 0:3 ҳисобидаги мағлубиятга айланди. Энди чоршанба куни Сингапурда бўладиган жавоб ўйинида "Санфречче" яна катта ҳисобда ғалаба қозониши керак бўлади.

Бешта тўп фарқи билан ғалаба қозонган жамоага техник мағлубият ёзилди