Xususan jamoa oxirgi besh uchrashuvni qatorasiga g'alaba bilan yakunladi. Jamoa o'z maydonida "Bunyodkor"ga mag'lub bo'lganidan so'ng avvaliga "So'g'diyona", keyin "Olmaliq", "Lokomotiv", "Obod" va "Qizilqum" klublari ustidan zafar quchdi.

Darvoqe, "Nasaf" safarda "Buxoro" va o'z maydonida "Bunyodkor"ga gol urmasdan yutqazib qo'ygandi. Keyingi beshta o'yinda esa jamoa o'z darvozasidan birortayam to'p o'tkazib yubormadi. To'plar nisbati ham havas qilsa arziydi 14-0. Faqat shuni aytish kerak, "Nasaf" Toshkentda "Obod"ning o'ziga javobsiz oltita gol urgan.

Turnir jadvalida Ro'ziqul Berdiev shogirdlari 44 ochko bilan ikkinchi o'rinda borishmoqda. Peshqadam "Loko" hisobida esa 51 ochko mavjud. "Nasaf" oliy liganing keyingi turida "Neftchi" mehmoni bo'ladi.

Bilasizmi? "Nasaf" ketma-ket beshta o'yinda gol o'tkazmasdan g'alaba qozondi