Shunday qilib, Shomurodov Italiya A Seriyasida o'ynaydigan ikkinchi o'zbekistonlik futbolchiga aylanadi. Bunga qadar Ilyos Zeytullaev Appenin yarim orolida o'ynaganini ko'pchilik yaxshi biladi. Zeytullaev "Yuventus" safida faqat Italiya kubogi doirasida ikkita o'yinda maydonga tushgan va Italiya chempionatida umuman o'ynamagan.

Biroq "Yuventus" hamyurtimizni "Redjina"ga ijaraga bergan va Zeytullaev 2005 yil 19 mart kuni Italiya A seriyasida aynan "Yuventus"ga qarshi bahsda o'z debyutini nishonlagan. O'sha vaqtda "Yuventus" safida Buffon, Kannavaro, Tyuram, Zambrotta, Kamoranezi, Del Pero, Ibragimovich kabi yulduzlar to'p tepardi. "Redjina"ni Valter Maccarri boshqarardi. Zeytullaev 75-daqiqada Marko Borrello o'rniga maydonga tushgandi. Umuman olganda Zeytullaev Italiya A seriyasida jami 4ta o'yinda maydonga tushgan va gol ura olmagan.

Ilyos Zeytullaev 2006-2007 yilgi mavsumda "Jenoa" safida Italiya B Seriyasida o'ynagan.

Yani Shomurodov "Jenoa" safida Italiya A seriyasida maydonga tushadigan birinchi o'zbekistonlik futbolchi bo'ladi. Bundan tashqari Shomurodov Italiya A seriyasida gol ursa, Evropa TOP-5 chempionatida to'p kiritgan dastlabki o'zbekistonlik futbolchiga aylanadi.

YUVENTUS - REDJINA - 1:0 (0:0).
19 mart 2005 yil. Turin. "Delli Alpi" stadioni. 21198 tomoshabin.
Gol: Del Pero, 65 (1:0).
Yuventus: Buffon, Kannavaro, Tyuram, Dzebina, Dzambrotta, Blazi (Takkinardi, 46), Emerson, Kamoranezi, Del Pero, Salaeta (Pessotto, 78), Ibragimovich.
Bosh murabbiy: Fabio Kapello.

Redjina: Pavarini, Kannarsa (Budyanskiy, 86), De Roza, Francheskini, Dzamboni, Koluchchi, Mesto, Tedesko, Mocart, Nakamura (Esteves, 81), Borrello (Ilyos Zeytulaev, 75).
Bosh murabbiy: Valter Maccarri.

Bilasizmi? Shomurodov Italiya A seriyasida o'ynaydigan ikkinchi o'zbekistonlik futbolchi bo'ladi