Moliyaviy nazorat surishtiruv natijalariga ko'ra, klub tashkilot tomonidan 2022 yil avgust oyida imzolangan kelishuv bandlarini buzgan deb topilgan. Shu sababli klub navbatdagi mavsum evrokuboklaridan chetlatildi va 20 mln evro jarimaga ham tortildi.

Shularning 10 millioni birdaniga to'lanishi kerak. Agarda klubning navbatdagi uch yillik hisobotlarida ham qing'irliklar aniqlansa, qolgan 10 mln evro ham to'lanadi. O'z navbatida bu holat klubning boshqa ishlardagi moliyalashida va licenziyalash jarayonida jiddiy tasir o'tkazishi mumkin.

Oldinroq UEFA va "Yuventus" jamoaning Konferenciyalar ligasidan chetlatilishi borasida kelishib olishgani borasida malumotlar berilgandi. Klub o'z aybini tan olgani uchun barcha ishlar ochiq tarzda olib borilgan va Italiya sudlari tomonidan tekshirilgan.

Yanvar oyida Turin klubi o'z kapitalining o'sishi raqamlarini soxtalashtirgani uchun 15 ochkodan mosuvo qilingan, biroq appelyaciya bilan ochkolar qaytarib olingandi. Biroq keyinchalik yana taftish ishlari olib borilgan va qing'irliklar aniqlanganidan keyin 10 ochko olib tashlangandi. Shu sababli jamoa mavsumni 7-o'rinda tugatib, Konferenciyalar ligasida ishtirok etishi kerak bo'lgandi.

Bir kelsa og'ir keladi... "Yuventus" Konferenciyalar ligasidan ham chetlatildi