Tarixda millionlar o'yinida bu kunda ajoyib bahslarga guvoh bo'lganmiz. Hususan, O'zbekiston milliy terma jamoasining JCH-2006 saralash bosqichidagi eng yorqin va esda qolgan Quvaytga qarshi kechgan uchrashuvi ko'pchilikning yodidan chiqmagan bo'lsa kerak. Bugun Navro'z bahonasida futbolchilarimiz o'ziga xos kamb'k qayd etgan bellashuvni eslab o'tamiz.

Germaniya yashil maydonlarida bo'lib o'tishi kutilgan mundial saralashida terma jamoamizni uch nafar murabbiy boshqaradi. Bular Yurgen Gyode, Ravshan Haydarov, Bob Xouton. Guruhimizdan kuchsiz bo'lmagan jamoalar o'rin olgandi. Saudiya Arabistoni, Janubiy Koreya va Quvayt.

Birinchi turda Saudiya Arabistoni bilan o'z maydonimizda durang o'ynagandik. So'nggi daqiqalarda Anvar Soliev bizni mag'lubiyatdan qutqarib qolgandi. Ikkinchi turda safarda darajasi biznikidan pastda bo'lgan Quvaytga 2:1 hisobida mag'lubiyatga uchraganmiz. Oldinda kutayotgan Janubiy Koreya bilan ikki bahsda koniqrli natija qayd etilmagach germaniyalik mutaxassis Yurgen Gyodega chiqish eshiklari ko'rsatiladi.

Ravshan Haydarov murabbiy sifatida boshlab tushgan bahsda Saudiyadan yirik 3:0 hisobida mag'lubiyat bilan qaytganimizdan so'ng O'zbekiston futbol federaciyasi rahbarlari murabbiylik postiga angliyalik Bob Houtonni tayinlashadi.

Uning oldiga jamoani qutqarish vazifasi qo'yiladi. Xoutonning termadagi ilk uchrashuvi Quvayt terma jamoasi bilan hayot-mamot jangiga to'g'ri kelgandi.

G'alaba boshqa har qanday natija Jahon chempionatiga chiqish imkoniyatini yo'qotishga sabab bo'lardi. Kuchli bosim va hayajon bilan maydonga chiqqan futbolchilarimiz birinchi bo'limda o'z o'yinlarini yo'qotib qo'ishadi va bu tablodagi hisobda ham aks etdi. 16-daqiqada quvaytliklar etakchisi Badir Al Mutva, 31-daqiqada Bashar Abdelazizning gollariga 41-daqiqada Server Jeparov penaltidan gol urib javob qaytaradi. Shu tariqa jamoalar tanaffusga 1:2 hisobi bilan yo'l olishadi. Ikkinchi bo'limning 62 daqiqasida Maksim Shackix ajoyib gol bilan muvozanatni tiklaydi. 76 daqiqada terma jamoamizning o'sha vaqtdagi “sehrli tayoqcha”si Anvarjon Soliev g'alaba to'pini kiritadi,3:2. Mazkur muvaffaqiyat termamizning mundial sari yurishini davom ettirishga sabab bo'ladi.

Biroq, pley-offda Bahrayn to'sig'idan o'ta olmagandik. Amaldagi shartnomaga muvofiq Xouton istefoga chiqariladi, ko'plab futbolchilar terma jamoadagi faoliyatini yakunlashadi. Islohotlar va o'zgarishlar davri boshlanadi. Ammo, barcha muxlislar ushbu bahsni o'zgacha xotirlashadi. Chunki, bunda o'yinchilar haqiqiy iroda ko'rsatishgandi.

JCH-2006 saralashi.
O'zbekiston – Quvayt 3:2 (1:2, 2:0)
17.08.2005. Toshkent. “Paxtakor” markaziy stadioni. 40000 tomoshabin.
Bosh hakam: Subhiddin Solix
Gollar: Badir Al Mutva 16, Bashar Abdelaziz 31, Server Jeparov 41, Maksim Shackix 62, Anvar Soliev 76.
O'zbekiston: Evgeniy Safonov, Asror Aliqulov, Fevzi Davletov(Marat Bikmaev), Aleksey Nikolaev, Nikolay Shirshov, Temur Kapadze, Mirjalol Qosimov, Viktor Karpenko(Vladislav Kiryan), Maksim Shackix, Aleksandr Geynrix(Anvar Soliev)

Abdulaziz Iskandarov tayyorladi

Video. Bir o'yin tarixi. O'zbekiston - KXDR 1:0 (to'liq tomosha qiling)

Video. Bir o'yin tarixi. O'zbekiston - Kuvayt 2:1 (to'liq tomosha qiling)

Video. Bir o'yin tarixi. Baqoevning benefisiga aylangan bahs yoxud O'zbekiston - Iordaniya 2:1

Video. Bir o'yin tarixi. Sardor Rashidovni Osiyoga tanitgan bahs: O'zbekiston – Saudiya Arabistoni 3:1

Bir o'yin tarixi. Angliyalik murabbiy va terma jamoamizning ajoyib kambekini yodga olamiz