ФИФА инструктори Фарҳод Абдуллаев ва ФИФА рефериси Владислав Цейтлин бошчилик қилаётган мазкур семинарда 50 нафарга яқин ҳакам иштирок этмоқда. Семинарнинг илк кунида иштирокчилар ҳам амалий ҳам назарий имтиҳон топширишди. Амалий имтиҳонлар “Ёшлик” стадионида бўлиб ўтди. Унда ҳакамлар жисмоний юкламалар бўйича имтиҳондан ўтишди. Кунинг иккинчи қисмида эса, видео лавҳалар асосида ҳар бир иштирокчи 20тадан тест топширди. Айтиш керак, барча иштирокчилар имтиҳонни ижобий баҳоларга топширди.

Семинар эртага ҳам давом эттирилади. Режага кўра, иштирокчилар куннинг биринчи ярмида назарий билимларини бойитиб олишса, тушдан сўнг, майдонда амалий машғулотлар ўтказишади. Семинарнинг назарий қисми ЎФФ мажлислар залида ва амалий қисми эса, сунъий қопламали майдонида бўлиб ўтади.

Биринчи лига ҳакамлари учун семинар бошланди