Мусобақанинг 4-тур доирасида 16 апрель куни бу йилги мавсумда ўз олдига Олий лигага чиқиш вазифасини қўйган икки жамоа, Термиз шаҳрининг “Сурхон” ва Қувасой шаҳрининг “Цементчи” жамоалари тўқнаш келади.

Демак, навбатдаги рақибимиз “Сурхон” жамоаси хақида!

Сурхандарё вилоятининг “Сурхон” жамоаси 1968 йилда “Чегарачи” номи билан ташкил этилган. Жамоа турли даврларда Олий ва биринчи лига баҳсларида турлича номлар билан иштирок этган.

• 1968—1968 — «Чегарачи»

• 1969—1973 — «Автомобилист»

• 1974—1974 — «Спартак»

• 1975—1983 — «Автомобилист»

• 1984—1984 — «Сурхон» (Сурхон)

• 1985—1993 — «Сурхон»

• 1994—1996 — «АСК»

• 1997—2008 — «Сурхоан»

• 2009—2010 — «Динамо-Хамкор»

• 2012 — «Сурхон»

2017 йилдан Сурхондарёда вилоят ҳокими ва футбол мутасадди раҳбарларининг ташаббуси билан «Нефтчи» (Жарқўрғон) номи билан яна жамоа қайтадан ташкил этилди. Клуб "пулка" баҳсларида ғолиб чиқиб биринчи лига йўлланмасини қўлга киритгач яна бу жамоага “Сурхон” номи берилди.

Турли йилларда «Насаф» (Қарши), «Қизилқум» (Навоий) профессионал футбол клубларида матбуот хизмати раҳбари бўлиб ишлаган Эркин Холбобоев «Сурхон» профессионал футбол клуби ижрочи директори, «Машъал» (Муборак), «Норин» (Ҳақулобод) ва «Хоразм» каби жамоаларда фаолият кўрсатган мутахассис Вали Келдиев эса жамоа бош мураббийи сифатида иш бошлади.

Ушбу мавсумда “Сурхон” ўз олдига элитага чиқиш вазифасини қўйган бўлсада мавсумни у қадар омадли бошлай олмади. Ўтган учта турда рақиблар дарвозасига фақат битта гол киритиб, барча учрашувларда дурранг натижаларни қайт этди;

1-тур. «Локомотив-БФК» – «Сурхон» – 0:0.

2-тур. «Хотира-79» – «Сурхон» 1:1

3-тур. «Сурхон» – «Уздонгжу» 0:0

Янги ташкил этилган “Сурхон” жамоаси “Цементчи” клуби билан илк маротаба тўқнаш келади.

Учрашув 16 апрель якшанба куни Термиз шаҳридаги марказий ўйингоҳда бўлиб ўтади.

Ўзбекистон биринчилиги. 3-тур.

«Сурхон» (Термиз) – «Цементчи» (Қувасой)

Ҳакамлар: К. Расулов (Қарши), М. Турдиев (Жиззах), Ф. Достонов (Жиззах)

Назоратчи: Б. Тоғаев (Тошкент).

“Цементчи” матбуот котиби Зухриддин Абдуллажонов

Биринчи лига. "Сурхон" - "Цементчи" превью