Куни-кеча яна жамоамиз аъзолари клуб қароргоҳида йиғилди ва навбатдаги баҳсга ҳозирлик кўрилмоқда. Эслатиб ўтамиз биринчи лиганинг 9-турини «Андижон» сафарда ўтказади. Бу сафарги рақибимиз - Фарғона вилоятининг «Ёзёвон-Лочинлари» жамоасидир. Айтиш керакки, ушбу жамоага Салимжон Зокиров ва Лутфулло Ҳайдаров бошчилик қилиб келмоқда. Жамоа илк бор биринчи лига ўйинларида 2015 йилдан буён иштирок эта бошлаган. Шу боис бу жамоа “Андижон” билан илк бор расмий ўйинини ўтказади. Биринчи лигадаги дебют мавсумида жамоанинг турнир жадвалидаги якунда эгаллаган ўрни 8-ўрин бўлганди. Ўша кезларда “Ёзёвон-Лочинлари”га дастлаб Абдусамад Дўрмонов иккинчи даврадан бошлаб эса ёш мутахассис Исломбек Исмоилов бош мураббийлик қилганди. Жамоа таркибида асосан маҳаллий футболчилар ўйнаб келмоқда. Бу ўзига хос анъанага айланиб бормоқда. Ҳужумчи Бекзод Махпралиев сермаҳсуллиги билан аълоҳида ажралиб туради. Ёзёвонликлар ҳозирча 6 очко жамғарган холда, турнир жадвалида 15-ўринни эгаллаб турибди.

11 май, пайшанба куни бўлиб ўтадиган ўйинни бошқариб борувчи ҳакамлар аниқ бўлди. Унга кўра мазкур баҳсда тошкентлик ҳакамлар бригадаси ишлайди.

«Ёзёвон-Лочинлари» (Ёзёвон) – «Андижон» (Андижон)

Бош ҳакам: Акобирхўжа Шукуруллаев (Тошкент).

Қанот ҳакамлари: Ойбек Калахўжаев (Тошкент), Раҳимбек Каримов (Тошкент).

Назоратчи: Алишер Абдуллаев (Тошкент).

Биринчи лига. “Ёзёвон-Лочинлари” – “Андижон” ўйини олдидан