- Bugun "So'g'diyona" jamoasi juda kuchli o'ynadi. Bu jihatni alohida takidlagan bo'lardim. Ular yakka-kurashlarda juda yaxshi o'ynashdi. Biz esa kuchli ishtiyoq evaziga g'alaba qozondik. Tarixiy g'alabani qo'lga kiritganimiz xursand qiladi albatta. Tez orada jamoamizga darvozabonlar murabbiyi keladi. Bu borada ishlar olib borilmoqda. Nomzodlar shunchalik ko'pki, shu sabab hozir aynan kimnidir ajratib ko'rsatolmayman. Dilshod Hamroevni maydonga tushmayotgani hech qanday shaxsiy g'arazim bilan bog'liq emas. Unga g'arazim yo'q. Davronbek Jo'raqulovni ko'rsatayotgan o'yini bizni qoniqtirmoqda. Xatolar bor va busiz iloji yo'q. Agarda Dilshod Hamroev o'yinga to'liq tayyorligini bilsak, o'shanda Dilshodga ham yana imkoniyat beramiz. Alisher Azizov yaqin orada gollar urishni boshlashiga ishonaman. Uni nega maydonga tushiryapman? Chunki Azizov juda yuqori texnikaga ega futbolchi. Uni ko'magi bizga kerak. Tez orada Azizov gollar urishni boshlab yuboradi. Jamoamiz dastlabki turlardagi hujumkor o'yinidan voz kechgani yo'q. Biz shunchaki nafaqat tezkor hujumlar orqali, balki o'z o'yinimizga pozicion hujumlarni ham kiritib boryapmiz. Endi “Obod” nafaqat shunchaki hujum uyushtiradi, balki hujumda to'pni saqlagan holda ikkinchi temp orqali ham oldinga borishga, raqibni to'psiz charchatishga urinadi. Chunki biz avvalgi o'yinlarda katta kuch bilan hujumga o'tib, to'pni yo'qotgach orqaga qaytishga ulgurmay qolardik. Raqib esa oldingi chiziqda bemalol bo'sh hududlarga ega bo'lardi va bu narsa ularga qo'l kelayotgandi. Bu borada ishlayapmiz. O'yiinimizni yanada sayqallashtirishga urinyapmiz. Buning uchun bizga vaqt kerak. Jamoamiz yana ozgina vaqtdan so'ng, ko'pchilik nazarda tutayotgan “Lester”dek o'ynashni boshlaydi. Buning uchun bizga biroz vaqt lozim.

Bobur Zuhriddinov: "Obod" tez orada "Lester"dek o'ynashni boshlaydi"