O'zbekiston milliy terma jamoasi sardori Odil Ahmedov sharafiga o'tkazilayotgan ushbu festivaldan ko'zlangan asosiy maqsad 2006 va 2008 yillarda tug'ilgan futbolchilarga o'yin amaliyoti shakllantirishga ko'mak berish hamda shu orqali murabbiylarga yosh futbolchilarni sinovdan o'tkazib olish uchun imkoniyat yaratib berishdir.

Malumki, "Championat.asia" sayti bilan hamkorlikda yo'lga qo'yilgan ushbu musobqa birinchi marta o'tgan yil Namangan shahrida tashkil etilgandi. Bu yil esa o'yinlar To'raqo'rg'ondagi "Odil Junior" futbol maktabiga qarashli maydonda o'tkazilmoqda. Bugun 2006 yilda tug'ilgan futbolchilar o'rtasidagi har uchala guruhda 1-tur uchrashuvlari bo'lib o'tdi.

"Odil Cup II" futbol festivalida ishtirok etayotgan jamoalar (2006 y. tug'ilganlar):

"A" guruhi
"Odil Junior" (To'raqo'rg'on)
"Kosonsoy" (Kosonsoy)
"Umid" (Namangan)
BO'SM (Marg'ilon)

"V" guruhi
"Neftchi" (Farg'ona)
"Navbahor" (Namangan)
BO'SM (Chortoq)
"Yoshlik" (To'raqo'rg'on)

"S" guruhi
"BFC Asia" (Andijon)
"Barkamol" (Namangan)
"Qo'qon-1912" (Qo'qon)
BUSM-1 (Uchqo'rg'on)

Ertaga 2-tur bahslari o'tkaziladi. Shuningdek, ertadan boshlab 2008 yilda tug'ilgan futbolchilar ham o'z ishtiroklarini boshlashadi.

Bolalar futboli. To'raqo'rg'onda "Odil Cup II" futbol festivali start oldi