Маъмур Саидқосимов бошчилигидаги ЎФАнинг болалар футболи мусобақалар ўтказиш департаменти бу борада жуда кўплаб мусобақаларни муваффақиятли ўтказди. Шу кунгача Спорт мактаблари ўртасида Ўзбекистон чемпионати, вилоят терма жамоалари ўртасида Ўзбекистон Кубоги ва олий маҳорат мактаблари ўртасида Ўзбекистон чемпионати ўйинлари ўз ғолибларини аниқлади. Энди ноябрь ойининг сўнгги 10 кунлигида Ўзбекистон Кубоги мусобақаси бўлиб ўтади.

Тошкент шаҳар футбол ассоциацияси ва Сурхондарё 2008 терма жамоаси мураббийи Ориф Аноровнинг таклифи билан, икки мусобақа ғолиблари ўртасида Ўзбекистон Суперкубоги мусобақасини ўтказиш таклифи илгари сурилди. Бу таклифга Маъмур Саидқосимов Спорт мактаблари ғолиблари ҳамда яқинда бўлиб ўтадиган академиялар ўртасидаги Ўзбекистон Кубоги соҳиблари ўртасида ҳам Суперкубок ўтказиш мумкинлигини айтиб ўтди.

Айни пайтдаги Суперкубок ўйинлари қуйидагича кўриниш олган:

2003. Тошкент - Андижон

2004. Фарғона - Фарғона

2005. Тошкент - Андижон

2006. Тошкент - Хоразм

2007. Тошкент - Наманган

2008. Тошкент - Сурхондарё

Агар мазкур лойиҳа ЎФА томонидан ўз тасдиғини топса, илк маротаба ташкил қилинадиган бу ўйин 8 декабрь, конституциямизнинг 28 йиллигига бағишлаб ўтказилади.

П.С: Биринчи турган терма жамоалар Ўзбекистон Кубоги соҳиблари, иккинчи турган жамоалар олий маҳорат мактаблари ўртасида бўлиб ўтган Ўзбекистон чемпионати ғолиблари.

Болалар футболида ҳам Суперкубок ташкил қилиниши мумкин