"Роял Пари" дастлабки ўйинда "Реал Оруро"ни 4:0 ҳисобида мағлубиятга учратди, жавоб баҳсида, сафарда 0:3 ҳисобида ортда қолаётганди. Қўшимчасига, сўнгги дақиқаларда меҳмонлар дарвозасига пенальти белгиланади.

Айнан шу паллада мағлуб бўлаётган жамоа бош мураббийи ҳакамликдан норозилигини кўрсатиш мақсадида футболчиларини майдондан олиб чиқиб кетади. Бу ерда аслида мақсад умумий 4:3 ҳисобидаги керакли натижани сақлаб қолиш бўлганини ортиқча изоҳлаш шарт бўлмаса керак. Вазиятга ҳаттоки полиция ходимлари ҳам аралашади, аммо улар ҳам футболчиларни ўйинни давом эттиришга "кўндира олмайди".

Натижада, Футбол федерацияси вакиллари Тартиб-интизом кодексига биноан, клуб жазоланиши, юқори дивизионга эса "‎Реал Оруро" йўл олишини маълум қилишади‎. Бундан хабар топган меҳмонлар майдонга қайтишади, лекин энди кеч бўлганди. Бу паллада тугамаган ўйинни якунлаган ҳакамлар бригадаси 20 нафар полициячи ҳамроҳлигида майдонни тарк этаётган эди.

Мана шунақа гаплар, Болиявидагилар Индонезиядагилардан нима камимиз бор, дейишган кўринади.

Боливияда жамоа керакли натижани сақлаб қолиш учун, ўйин тугамай, майдондан чиқиб кетди