Қизиғи, англиялик "Рицар" парижликлар сафида бор йўғи 14та ўйин ўтказган.

Сешанба куни ПСЖ расмий сайти Шон-шуҳрати музейи деб номланган янги бўлимни ишга туширди. Жамоа таркибида ярим мавсум тўп тепган англиялик Дэвид Бекхэм ҳам ушбу музейга киритилган.

Бекс 2013 йилнинг январь ойида парижликлар сафига бориб қўшилган ва жамоага мамлакат чемпионлигини қўлга киритишда ёрдам берган.

Бекхэм - футбол афсонаси. Лекин, унинг Парижда бор йўғи 5 ой тўп тепиб бундай илтифотга муяссар бўлиши олқишларга арзийди.

ПСЖ Шон-шуҳрати музейига киритилган охирги иккита юлдуз - Дэвид Бекхэм ва Златан Ибрагимович.

Дэвид футболни Франция чемпионини сифатида тугатди ва охирги ўйинда кўз ёшларини тия олмади. У қисқа фаолиятига қарамай, Парижда жуда катта обрўга эга бўлди.

"Рицар" футболчилик билан шу тарзда хайрлашди.

Бор йўғи 14 ўйин ўтказиб ПСЖ Шон-шуҳрати музейига киритилган афсонавий футболчини биласизми? + ФОТО