Angliya chempionati
11-tur
BORNMUT – MANCHESTER YUNAYTED 1:0 (1:0, 0:0)
2 noyabr, 17.30, Din Kort

Gol: King 45, - 1:0.

Bornmut – Remsdeyl, Ake, Smit, Riko, Kuk, Uilson, Billing, Lerma, Freyzer, Uilson (L.Kuk, 86), King.
Zaxira – Boruc, Francis, Mefam, Kelli, L.Kuk, Danjuma, Solanke.
Manchester Yunayted – De Xea, Van-Bissaka (Uilyams, 81), Lindelyof, Maguayr, Yang, Maktominey, Fred, Andreas (Lingard, 68), Jeyms (Grinvud, 80), Reshford, Marsyal.
Zaxira – S.Romero, Markos Roxo, Uilyams, Mata, Lingard, Garner, Grinvud.

Ogohlantirishlar: Lerma (35), Fred (35), S.Kuk (55), Freyzer (62), Lindelyof (64), Yang (66), K.Uilson (90).

UCHRASHUV YAKUNLANDI

Ikkinchi bo'limga 3 daqiqa qo'shib berildi.

87. "Manchester Yunayted" ikkita juda xavfli vaziyat yaratdi. Mezbonlar darvozaboni ishonchli o'ynamoqda.

86. O'zgarish. Xarri Uilson o'rniga Luis Kuk tushdi.

80. O'zgarishlar. Jeyms o'rniga Grinvud, Van-Bissaka o'rniga Uilyams tushirildi.

75. ZARBAAA! Xarri Uilsonning pastki burchakka bergan aniq zarbasini De Xea qaytarib qoldi. Ajoyib seyv bilan ispaniyalik darvozabonni tabriklaymiz!

68. O'zgarish. Perreyra o'rnini Lingard to'ldirdi.

68. Xarri Uilsonning jarima zarbasi noaniq chiqdi.

66. Eshli Yang sariq kartochka oldi. Xavfli standart vaziyat.

64. Lindelyof ham ogohlantirildi.

62. Freyzerga ham sariq kartochka ko'rsatildi.

55. Stiv Kuk ogohlantirildi. Jabrdiyda Markus Reshford.

54. "Bornmut" futbolchilari ikkinchi bo'limda ustunlik qilishmoqda.

46. Ikkinchi bo'lim boshlandi!

TANAFFUS!

Birinchi bo'limga bir daqiqa qo'shib berildi!

45. Joshua King! GOOOOOOOOOOL! Golni o'zi yuzaga keltira oldi va juda chiroyli uslubda to'pni darvozaga joylab qo'ydi. Bu golni ko'rish kerak! Hisob 1:0.

44. Birinchi bo'limga xulosa qiladigan bo'lsak, MYU dastlabki daqiqalarda ancha faol o'ynadi, "Bornmut" keyinchalik vaziyatni tenglashtirdi va oxirgi daqiqalar ancha sokin o'tdi.

38. Andreas Perreyra qo'pollik ishlatdi. Mezbonlarda standart vaziyat vujudga kelmoqda. Omadsiz yakun.

35. Tortishuvlardan keyin Fred va Lermaga sariq kartochka ko'rsatildi.

33. Marsyal jarima maydonchasiga yorib kirdi va Lerma uni turtib yubordi. Penalti yo'q. Ammo, katta janjal kelib chiqdi. Futbolchilarning hammasi bir joyda to'planib olishdi.

30. O'yin tempi sokinlashdi. To'p nazoratida deyarli tenglik (49%-51%).

26. Freyzer zarba berdi, kuchsiz.

23. Mankunianliklarning navbatdagi hujumi ham muvaffaqiyatli chiqmadi. Hujum to'xtab qoldi. Mezbonlar bo'sh zonalarni yopishga ulgurishdi va to'pni olib qo'yishdi.

21. Jeyms juda kuchli zarba yo'lladi! Biroz noaniq, lekin xavfli zarba bo'ldi!

18. Fredning xavfli chiqishi mumkin bo'lgan zarbasi himoyachiga tegdi va maydon tashqarisiga chiqib ketdi. Birinchi burchak zarbasi.

16. De Xea ishonchli o'ynadi, qaytgan to'pga zarba bermoqchi bo'lgan Rayan Freyzer birdaniga yiqilib tushdi.

14. Fred mezbonlar hujumga o'tib ketmasliklari maqsadida qo'pollik evaziga Uilsonni to'xtatib qoldi.

13. Freyzer sirpanib yiqilib tushdi va maydon tashqarisiga juda noqulay holda sirpanib chiqib ketdi.

11. "Bornmut" azolari himoya chizig'ida to'pni nazorat qilgan holda, MYUning ilk 10 daqiqalikdagi shijoatini sindirishga harakat qilmoqda.

9. Yomg'ir juda kuchli yog'moqda. Bugungi o'yinda futbolchilar 100 foiz imkoniyatlarini namoyish eta olishi qiyin masala.

8. Jeymsning o'ng qanotdan uzatmasini Fred golga aylantira olmadi. To'p uning oyog'iga tushgani yo'q.

7. Andreas Perreyra zarba yo'lladi. To'p darvoza to'sini ustidan o'tib ketdi.

6. Marsyal tomonidan uzoq masofadan zarba yo'lladi. Kuchsiz. Yomg'ir yog'moqda uning qarorini tushunish mumkin. Maydonning holati mukammal darajada emas.

3. Ilk xavfli vaziyatni MYU uyuushtirdi. O'ng qanotdan Jeyms hujumga o'tdi va raqib jarima maydonchasi markaziga uzatma berdi. Ushbu holatda Andreas zarba berishga biroz kech qoldi va to'p undan o'tib ketdi.

1. Kris Kavenag uchrashuvni boshlab beruvchi hushtagini chaldi. Boshladik!

Assalomu alaykum qadrli futbol ishqibozlari! APL 11-turidan joy olgan "Bornmut" va "Manchester Yunayted" o'rtasidagi uchrashuvni kuzatib borishga taklif qilamiz.

Ayni paytda ikkala jamoaning hisobida ham 10 turdan keyin 13 ochko mavjud. To'plar nisbatiga ko'ra, MYU ettinchi, "olchalar" esa 9 pog'onada bormoqda.

APL. "Manchester Yunayted" safarda uch ochko yo'qotdi