O'yin haqida
- Bugungi o'yin qiyin bo'lishini bilgandik, shu bois yaxshi tayyorgarlik ko'rdik, raqibni o'rganib chiqdik. O'yin oxirida nima bo'lganini tushuntirib berish qiyin.
- Hakam belgilangan vaqtdan avval o'yinni to'xtatib qo'ydi chamamda.
- Uni bahona qilolmaymiz. Menimcha, yigitlarda charchoq yuzaga keldi.
- Zaxiradan maydonga tushirilgan o'yinchilar hisobga tasir o'tkazdi deb hisoblaysizmi?
- Bugun mag'lubiyatga loyiq o'yin ko'rsatmadik. Zaxiradan tushirilgan o'yinchilar yordam bera olishmadi. O'yin tafsilotlarini o'rganib chiqamiz.
- Bugungi o'yinda bosh murabbiy Asror Aliqulov ishtirok etmadi. Uning o'rni qanchalik bilindi?
- Aliqulov bilan telefon orqali muloqot qildik, uning ko'rsatmalarini yigitlarga tushuntirdik. Ular imkoni boricha, harakat qildi, biroq so'nggi soniyalarda gol o'tkazib yubordik.
- "Andijon" murabbiyining aytishicha, ularda yoshi katta o'yinchilar ko'pligi bois, avval raqibni toliqtirib, keyin bor kuchni berar ekan. Bu jihatlarni o'yindan avval o'rganganmidingiz?
- Albatta, biroq raqib ham bizni o'rganib chiqqan. Ular ham ikkinchi jamoa bo'lib o'ynadi. Uchrashuv biz kutgandek o'tdi, faqat bahs oxirida muvozanatni yo'qotganimiz pand berdi.
- Bosh murabbiy nega o'yinda qatnashmadi?
- Asror Aliqulov Pro licenziyasi uchun o'qimoqda. Yakuniy imtihoni borligi bois, bu erga kela olmadi. Biroq telefon orqali aloqada bo'lib turdi.
- Oxirgi burchak to'piga chiqishda darvozabon xatoga yo'l qo'ydi. Bugungi o'yinda uni aybdor deb sanash mumkinmi?
- Aybdor deyish kerak bo'lsa, barchamiz aybdormiz. Bu vaziyatni ko'rib chiqamiz.
- Raqib jamoa tomonidan pressing, chalib yiqilishlar ko'p kuzatildi. Buni ham etiborga olganmidingiz?
- Ha, shogirdlarim bugun yaxshi o'ynashdi. Imkoniyatlardan foydalana olmadik.
- Bugun Muhriddin Zoirov hujumchi sifatida to'liq harakat qildi. Zaxirada yana bir hujumchi - Asadbek Samariddinov bor edi. UNga imkon berilmasligi Zoirovning jismoniy holati yaxshiligidanmi?
- Samariddinov yaxshi hujumchi, biroq Zoirov ko'p o'yinlarda gol urmoqda, shu bois uni maydonga tushirdik. Asad yosh, kelajagi oldinda, unga ham hali imkon beramiz.
- Odatda murabbiylar o'yin o'xshamasa yoki boshqa rejasi bo'lsa, taym yakunidan 7-8 daqiqa avval bir nechta o'zgarish amalga oshiradi. Bugun sizda ham shu holat kuzatildi. Qisqa vaqt ichida zaxiradan tushganlar nimadir qila oladimi?
- Yigitlarda charchoq sezilgani uchun almashtirishlarni qo'lladik.
- Biroz avval Championat.asia saytida "Sho'rtan"ga tegishli bo'lgan bino karantin vaqtida foydlanishga olingan va hanuzgacha qaytarib berilmagani haqida maqola elon qilingandi. Ayni paytda karantin davri emas, klubga o'z binosi qaytarildimi?
- Yo'q, qaytarib berilmadi. Bu masalani rahbariyat ko'rib chiqadi.
Izohlar