Mashg'ulotdan so'ng ilk marotaba MTJga yig'iniga chaqirilgan Botirali Ergashev o'z fikrlarini bildirib o'tdi.

“O'zbekiston milliy terma jamoasiga taklif qilinganimdan xursandman. Milliy terma jamoa o'sishimiz uchun katta turtki bo'ladi. Taassurotlar alo darajada. Dunyo tanigan futbolchilarga qarshi to'p tepishni o'ziga yarasha gashti bor. Shunga yarasha bizdan yaxshi tayyorgarlik ko'rish talab etiladi. Marokash, Senegal va bir qancha kuchli terma jamoalarga qarshi o'yinlar jamoamizni o'sishiga sabab bo'ladi.

Superliganing 3-turida “Lokomotiv”ga qarshi uchrashuvdan so'ng, turning ramziy terma jamoasidan oldim. Bu men uchun kutilmagan sovg'a bo'ldi. Bu narsalar bilan cheklanib qolmasdan o'z ustimda yanada ko'proq ishlashim kerak. Men terma jamoaga bir narsani maqsad qilib keldim. O'yinim o'sishini istayman. Chunki, Nesterov va Eldor Suyunov o'ziga yarasha tajribali darvozabonlar. Raqobat bor joyda o'sish bo'ladi. Raqobatdan qo'rqmayman”, - deydi Botirali Ergashev

Jahongir Sotvoldiev yozib oldi

Botirali Ergashev: “MTJda raqobatdan qo'rqmayman”