18:57. ЎФАда ўзгаришлар рўй берган, ПФЛда ҳаммаси олдингидек қолган эди. "Championat.asia"га маълум бўлишича, ПФЛ директори Омон Ғофуров нарсаларини йиғиштириб офисини тарк этган. У нима учун нарсаларини йиғиштириб кетгани бизга маълум эмас. Катта эҳтимол О.Ғофуров ўзбек футболидаги иш фаолиятини якунлади.

Ўз-ўзидан савол туғилади: - Энди ПФЛга ким раҳбар бўлади?

Бироз аввал ЎФА расмий сайтида Равшан Эрматов миллий терма жамоа бош мураббийи Эктор Купер ва бошқа терма жамоалар мураббийлари билан учрашув ўтказгани ҳақидаги хабар суратлар билан бирга берилган эди.

Юқоридаги суратга эътибор қаратадиган бўлсак, у ерда ҳали расман эълон қилинмаганлардан бири Олим Арифов ЎФАга қайтгани ҳақида бироз олдин хабар берган эдик. Бундан ташқари, яна бир инсон бор-ки, шу кунгача терма жамоаларга алоқаси йўқ эди. Суратда тўғрида ўтирган Даврон Шоқурбонов бугунги кунгача "Бунёдкор" футбол клуби спорт директори сифатида фаолият юритиб келаётган эди. Мантиқан олиб қарайдиган бўлсак, Шоқурбонов ПФЛнинг янги директори бўлиши ҳам мумкин.

19:05. Ҳозиргина Омон Ғофуров биз билан боғланди ва ҳали ПФЛни тарк этмаганини, иш фаолиятини давом эттираётганини маълум қилди.

Воқеалар ривожини кузатиб борамиз.

Breaking news! Омон Ғофуров ПФЛни тарк этдими? Янги раҳбар ким бўлишини топдик...