"73 дақиқа яхши ўйин кўрсатдик, балки, учрашувдаги энг яхшиси бўлиб ҳам тургандик, вазиятлар яратдик. Кейин эса хатоларимиз учун жазолашди. Футболчилардан қўрқмасдан ўйнаш кераклигини сўрадим, улар шундай қилдилар ҳам. Икки марказий ҳимоячимиз фантастик ўйин кўрсатаётганди. Бироқ ғалаба учун уларнинг бирини олдинга чиқаришимиз керак эди. Аммо ўйиндан кўра натижа жуда ёмон бўлди.
Футболчиларим учун дардим бир. Улар бунга лойиқ эмасдилар. Йигитлар прессингда яхши ўйнашди, хатолар эса натижанинг ўзгаришига сабаб бўлди. Шундай ўйинларда мағлуб бўлгандан кейин ишонч ҳам пасайиб кетади. Ҳақиқатдан ҳам оғир старт бўлди. Энди эса тикланиб, ўзимизга келиб олишимиз учун термалар ўйинлари бор.
Босим кучли бўлмоқда. Ҳар куни ўз ишимни қиляпман. Мухлисларнинг биздан кўнгли совиётганини тушуняпман. Буни яшириб бўлмайди. Бу ҳолатга жавоб беришим керак. Нима бўлган тақдирда ҳам клуб эгаларини ҳурмат қиламан. Улар мени қўллаб-қувватлашмоқда. Ўйиннинг қандай борганини ҳисоб кўрсатиб бера олмади, деб ҳисоблайман.
2:6 - жуда қаттиқ ҳисоб. Кетма-кет олти мағлубият ҳеч кимнинг фойдасига ишламаяпти. Аммо бугун ўйиннинг биринчи бўлимини биз бошқардик. Биринчи голни ургандан кейин йигитларнинг миясида ғалаба қозониб бўлганлик фикри айлангандир. Аммо улар шунда ҳам охиригача курашишди", - деди Рожерс.

Брендан Рожерс: "Оғир мағлубият. Биринчи бўлимда ўйинни биз бошқаргандик"