42 ёшли маҳаллий ҳакам Англия Лига Кубоги доирасида "Тоттенхэм" - "Манчестер Сити" (2:1) баҳсида захира ҳаками сифатида ишлаган.

"The Sun" хабарига кўра, 31 октябрь куни соат 19:38да, яъни, баҳси стартига 37 дақиқа қолганида Travelodge тизими орқали меҳмонхона буюртма қилган ва 20:04да, яъни, баҳси стартига 11 дақиқа қолганида бу ҳақда дўстига маълум қилган. Баҳс танаффусида эса: "Тайёрланяпсан деган умиддаман", деб хабар ёзган.

Ўйинни телевизор орқали томоша қилиб борган ҳакамнинг дўсти эса шундай дейди: "Ўйин кунида у менга жуда кўп марта баҳс якунланганидан кейин базм ўтказишни истаётганини ёзди. Ўйин бошланишига 11 дақиқа қолганида билдиришномани менга ҳам жўнатди. Танаффусда ҳам буни ёзгани мен учун кутилмаган ҳолат бўлди. У ўйинга эмас, эътиборини гиёҳванд модда базмига қаратганди. У билан кўришгим келмади ва бормаслигимни айтиб қўйдим. У бундан ғазаб отига минди ва меҳмонхона брони компенсацияси учун 74 фунт тўлашим кераклигини талаб қилди".

Қайд этиш керак, Кут 27 октябрь куни "Вест Хэм" - "Манчестер Юнайтед" ўйинида ҳам ишлаган ва сўнгги дақиқада манкунианликлар дарвозасига пенальти белгилаганди. Бу эса кейинчалик расмий равишда хато бўлганлиги тан олинди.

Бу даҳшат! АПЛ ҳаками гиёҳванд бўлиши мумкин