Eslatib o'tamiz, "Man Siti"ning endilikda sobiq darvozaboni Ederson Moraes jarohat tufayli 10 va 14 oktyabr sanalaridagi o'yinlarda ishtirok etolmasligi sabab, Jon Viktor termaga taklif etilgan.

Qayd etib o'tamiz, Karlo Anchelotti shogirdlari Janubiy Koreya (5:0) va Yaponiyaga (2:3) qarshi o'yinda maydonga tushdi. "Nottingem" posboni har ikki bahsda terma jamoada ham zaxira o'rindig'ida o'tirdi.

"Men uchun bu unikal va butkul o'zgacha tuyg'ular edi. Men klub o'yiniga ketayotganimda, avtobusda bu xabarni bilgandim. O'sha payt karaxt bo'lib qoldim va kimdir xazillashyapti, deb o'yladim. Menda (Serjiu) Dimasning telefon raqami yo'q edi (Braziliya terma jamoasi rahbari – tahririyat); u bilan "Santos"da birga ishlaganmiz va aynan u xat yubordi. Ular mendan pasportimni so'rashdi va birinchi kelgan fikr: "Oxo, bu nima, firibgarlarmi?".
Bilmaymanku, hozir zamon notinch… ammo keyin u bu terma jamoaga taklif ekanligi va zarur hujjatlarni tayyorlash uchun kerakligini aytganida o'zimda yo'q xursand bo'ldim. Buni Igor (Jesus) bilan yo'ldayoq nishonlab, "Nyukasl" bilan o'yinga ketdik. Bu chindan ham unutilmas lahzalar edi".

Eslatib o'tamiz, Viktor shu yilning yozida ingliz klubi safiga ko'chib o'tdi. Bungacha u Braziliyaning "Botafogo" klubi sharafini himoya qilib kelgan va AQSHda o'tgan klublar o'rtasidagi jahon chempionatida ECHLning amaldagi g'olibi PSJni 1:0 mag'lubiyatga uchratishga muvaffaq bo'lgandi.

Omonjon To'xtamirzaev tayyorladi

"Bu firibgarlarning nayrangimi?" "Nottingem Forest" zaxira darvozaboni Braziliya terma jamoasidan taklif olgani haqida