SURXON – NAVBAHOR
19 avgust. Toshkent. TTYMI stadioni. 17:00 (Sport TV)
Hakamlar: Zokir Qodirov, Shohruh Azamov, Ruslan Samandarov, Ravshan Abduvohidov
Nazoratchi: G'ayrat Karimov
Komissar: Erkin Baxtiyorov.

Bu jamoalar bugungacha O'zbekiston chempionatida 26 marta to'qnash kelishgan. Ustunlik vodiy klubi tomonida. "Navbahor" 18 marta g'olib bo'lgan, 5 bor "Surxon"ning qo'li baland kelgan. Yana 3ta uchrashuvda do'stlik g'alaba qozongan.

"Surxon" bu jamoa bilan o'tgan so'nggi beshta uchrashuvning hech birida 3 ochko egasiga aylanmagan - 1ta durang va 4 mag'lubiyat. Oxirgi marta Termiz klubi 2003 yilda "lochinlar"ni mag'lub etgan ekan.

Elyor Uzoqov ("Surxon" matbuot kotibi): Jamoamizni "Navbahor"ga qarshi oson bo'lmagan bahs kutib turibdi. Lekin shunday bo'lsada jamoadagi yigitlarimiz tajribasiga ishonaman va ular albatta "Navbahor" ustidan g'alaba qozonadilar.

Ulug'bek Umarov (“Navbahor” PFK matbuot kotibi): Bugungi “Surxon” – “Navbahor” bahsi har ikki jamoa uchun principial ahamiyatga ega. Boisi, termizliklar tarkibida namanganliklarning ko'plab sobiq futbolchilari o'ynashadi va ular sobiq klubiga qarshi kechadigan o'yinda o'zlarining nimalarga qodirliklarini namoyish etishga harakat qilishadi. Shuningdek, “Navbahor” azolari ham aynan shu sababga ko'ra, maydonga o'zgacha ishtiyoqda tushishadi. Bundan tashqari, “lochinlar”ning oldiga joriy mavsumda yuksak maqsad, yani Osiyo Chempionlar Ligasi yo'llanmasini qo'lga kiritish vazifasi qo'yilgan hamda har bir ochko namanganliklar uchun “oltin”ga teng.
Shundan kelib chiqadigan bo'lsak, Andrey Kanchelskis shogirdlari ushbu uchrashuvda g'alaba qozonish uchun barcha imkoniyatlarini ishga solishadi va shunga intilishadi. Bo'lajak bahsda “Navbahor” zafar quchadi, degan umiddaman.

Bugun 17:00. "Surxon" - "Navbahor". Matbuot kotiblari qanday fikrda?