Клублар топширган тест натижалари аниқ бўлмасдан туриб, ЎзПФЛ бир қарорга келиши қийин бўлмоқда.

Шундан келиб чиқиб, эртага — 20 июль куни бўлиб ўтиши керак бўлган “Сурхон” ва “Навбаҳор” U-21 жамоалари ўртасидаги учрашув 22 июль кунига қолдирилди. Ҳаттоки клубларнинг асосий таркиблари 21 июль куни майдонга чиқишларига тўғри келса ҳам, ноодатий тарзда ўринбосарлар бир кун кейин кураш олиб боради.

“Сурхон” ва “Навбаҳор” асосий таркиблари ўйини масаласига эртага — 20 июнь куни ойдинлик киритилади. Бунда ЎзПФЛ “Сурхон” футболчилари топширган тест натижаларига диққатини қаратади.

Ҳозирга қадар Қарши шаҳрида кечиши кутилаётган “Насаф” — “Сўғдиёна”, Олмалиқдаги АГМК — “Локомотив” ва Навоийдаги “Қизилқум” — “Бухоро” учрашувларини ўтказиш билан боғлиқ муаммолар йўқ. Қолган барча учрашувлар масаласига эртага ойдинлик киритилади. Эртага барча клублар раҳбарлари ва бош мураббийлари билан онлайн видеоконференция ўтказилади.

ЎзПФЛ футбол жамоатчилигидан бугунги вазиятни тўғри тушунишни сўрайди ҳамда ноқулайликлар учун узр сўрайди. Шунингдек, барча ўзгаришлар расмий сайтда ўз вақтида ёритиб борилишини маълум қилади.

10-тур

21 июль, сешанба

19:00 СУРХОН — НАВБАҲОР

19:00 НАСАФ — СЎҒДИЁНА

22 июль, чоршанба

19:00 МАШЪАЛ — АНДИЖОН

19:00 АГМК — ЛОКОМОТИВ

23 июль, пайшанба

19:00 ҚЎҚОН-1912 — ПАХТАКОР

19:00 ҚИЗИЛҚУМ — БУХОРО

19:00 БУНЁДКОР — МЕТАЛЛУРГ

"Навбаҳор" - "Сурхон" ўринбосарлари иштирокидаги ўйин 22 июлга қолдирилди