Shota Arveladze va Baxtiyor Ashurmatov boshchiligidagi jamoalar bosh sovrin uchun kurash olib boradi.

"Paxtakor" klubi o'z tarixida 14-marta mamlakat kubogi finalida o'ynaydi. "Sherlar" shu kunga qadar 11 bor O'zbekiston kubogini qo'lga kiritgan va bu borada mutloq rekordchi hisoblanadi. Jamoa ikki marta finalda yutqazib qo'ygan.

AGMK esa o'z tarixida birinchi marta finalga chiqishga erishdi. AGMK bosh murabbiyi Baxtiyor Ashurmatov futbolchi sifatida besh marta O'zbekiston kubogini qo'lga kiritgan. Unda ham futbolchi, ham murabbiy sifatida kubokda zafar quchish imkoniyati bor. Bunday natijaga shu kunga qadar faqat Mirjalol Qosimov erishgan.

Kecha har ikkala jamoa murabbiylari o'yinoldi matbuot anjumanida ishtirok etishdi.

"Finalda xato qilishga haqqimiz yo'q" - Shota Arveladze ishtirokidagi matbuot anjumani

"Finalda ko'p omillar AGMKga qarshi" - Baxtiyor Ashurmatov ishtirokidagi qiziqarli matbuot anjumani

Bundan tashqari jamoalar "Istiqlol" stadionida o'yinoldi rasmiy mashg'ulotni ham o'tkazishdi.

AGMKning finaldan oldingi rasmiy mashg'ulotidan FOTOGALEREYA

"Paxtakor"ning finaldan oldingi rasmiy mashg'ulotidan FOTOGALEREYA

Eslatib o'tamiz, AGMK - "Paxtakor" uchrashuvi soat 15:00da boshlanadi. Stadionga kirish bepul. Chiptalar "Istiqlol" stadioni kassalarida bepul tarqatilmoqda.

O'zbekiston kubogi-2018 final
28 oktyabr. Farg'ona. “Istiqlol” stadioni.
AGMK – “Paxtakor”
Bosh hakam: Temur To'xtasinov
Qanot hakamlari: Anvar Marajabov, Ziyodullo Abdurahmonov
Zaxira hakami: Olim To'ychiboev

Bugun Farg'onada FINAL