O'zbekistonning amaldagi chempioni "Lokomotiv" o'z maydonida Termizning "Surxon" klubini qabul qiladi. Uchrashuv "Lokomotiv" stadionida 19:30da boshlanadi. Quyida o'yinga oid bazi malumotlarni keltirib o'tamiz.

"Lokomotiv"

- "Lokomotiv" Superliga turnir jadvalida 2-o'rinni egallab turibdi. Jamoa 10ta o'yindan so'ng 21 ochko jamg'ardi. To'plar nisbati 16-7.

- Bugun "Lokomotiv" o'z maydonida 7-uchrashuvni o'tkazadi. Avvalgi oltita bahsning to'rttasida "temiryo'lchilar" g'alaba qozonib, ikki bor durang qayd etishgan.

- Uydagi o'yinlar holatiga ko'ra "Loko" jadvalda ikkinchi o'rinda boryapti. Uydagi o'yinlarda to'plar nisbati 12-4.

- Qatorasiga uchta durangdan so'ng "Loko" o'tgan turda g'alabaga erishdi. Jamoa safarda "Nasaf"ni 1:0 hisobida mag'lub etib qaytdi.

- "Lokomotiv" shu paytgacha "Surxonga qarshi 2 bor kuch sinashib ikkalasida ham durang qayd etgan.

"Surxon"

- Superliga debyutanti "Surxon" musobaqa jadvalida uchinchi o'rinda ketyapti. Jamoa 18 ochko to'plagan. To'plar nisbati 11-8. Bundan ko'rinib turibdiki, bugun ikkinchi va uchinchi o'rindagi jamoalar o'zaro bahs olib boradi.

- "Surxon" bosh murabbiyi Andrey Miklyaev o'z vaqtida "Lokomotiv"ni boshqargan. Bugun Andrey Gennadevich shogirdlari sobiq jamoasiga qarshi maydonga tushadi.

- "Surxon" safarda ochko yig'ish bo'yicha to'rtinchi o'rinda. Termizliklar ikkitadan g'alaba va mag'lubiyat qayd etishgan. To'plar nisbati 6-6.

- "Surxon" safar o'yinlarida "So'g'diyona" bilan "Qizilqum"ni mag'lub etib, "Navbahor" va AGMKga imkoniyatni boy bergan.

- "Surxon" oxirgi uchta o'yinni g'alaba bilan yakunladi. Miklyaev boshqaruvidagi jamoa "Buxoro", "Qizilqum" va "Qo'qon-1912"ni mag'lub etdi.

Bugun futbol. "Lokomotiv" - "Surxon"